Enstriksyon: Fè egzèsis sa a kote ki pa gen bri. Pandan w ap li vèsè yo, imajine w ap patisipe nan sa k ap fèt la. Imajine sèn nan. Tande vwa yo. Eseye konprann santiman k ap travèse pèsonaj yo. Fè istwa a vin vivan.

1 ANALIZE SÈN YO. — LI JENÈZ 6:1-6 AK TRAVAY 19:11-20.

Dapre ou menm, ki jan fizik Nefilim yo te ye?

․․․․․

Ki jan w imajine mesye yo pale de yo nan Travay 19:13-16 la te santi yo apre yo te fin rankontre yon espri mechan?

․․․․․

2 MEDITE PLIS TOUJOU.

Sèvi ak liv oswa ak nenpòt lòt mwayen ou genyen pou w ka jwenn plis detay sou Nefilim yo. Dapre ou menm, poukisa yo te konn aji avèk vyolans konsa?

․․․․․

Nan ki sans yon moun ka di espri mechan yo “te abandone kote yo te fèt pou yo rete a”? (Li Jid 6.) Dapre ou menm, poukisa li pa t natirèl, nou ka menm di se te yon bagay deprave, pou yo gen madanm?

․․․․․

Ki sa de istwa ou sot li la yo aprann ou sou pasyon espri mechan yo genyen pou sèks ak vyolans?

․․․․․

  3 APLIKE SA W SOT APRANN YO. EKRI SA W TE APRANN KONSENAN...

Atitid ki vyolan e ki egoyis espri mechan yo genyen.

․․․․․

LÒT APLIKASYON OU KA FÈ.

Etandone espri mechan yo pa ka pran fòm kò moun ankò, ki fason anba anba yo ka eseye enfliyanse w?

․․․․․

Jodi a, ki kalite distraksyon ki demontre atitid espri mechan yo genyen ak sa ki enterese yo?

․․․․․

Ki jan w ka montre ou pran desizyon fèm pou w reziste anba enfliyans espri mechan yo? (Li Travay 19:18, 19 ankò.)

․․․․․

4 KI SA K PLIS TOUCHE W NAN ISTWA SA A, E POUKISA?

․․․․․

Si w pa gen bib, mande Temwen Jewova yo pou yo ba w youn, oubyen li Labib sou Entènèt nan www.jw.org