Li Jenèz 37:​23-28; 39:​17-23 pou n aprann yon leson nan fason Jozèf te andire enjistis yo te fè l.

Egzamine kontèks la. Poukisa yo te mal aji ak Jozèf (Jen. 37:​3-11; 39:​1, 6-10)? Pandan konbyen tan Jozèf te oblije andire enjistis yo te fè l (Jen. 37:2; 41:46)? Nan moman sa a, ki sa Jewova te fè pou Jozèf, e ki sa L pa t fè? — Jen. 39:​2, 21; w23.01 17 § 13.

Fouye plis. Bib la pa di Jozèf te defann tèt li lè madan Potifa te lage fo akizasyon sou do l. Ki jan vèsè ki vin annapre yo ka ede n reflechi sou rezon ki fè Jozèf te ka chwazi pa di anyen oswa sou rezon ki fè nou pa bezwen atann n ap jwenn tout detay sou sa (Pwo. 20:2; Jan 21:25; Tra. 21:37)? Ki kalite petèt ki te ede Jozèf andire enjistis yo te fè l? — Miche 7:7; Lik 14:11; Jak 1:​2, 3.

Ki leson nou aprann? Mande tèt ou:

• ‘Antanke disip Jezi, ki enjistis mwen ka atann y ap fè m?’ (Lik 21:​12, 16, 17; Ebre 10:​33, 34).

• ‘Ki sa m ka fè depi kounye a pou m ka andire lè yo fè m enjistis?’ (Sòm 62:​7, 8; 105:​17-19; w19.07 2-7).