Samyèl te rete fidèl ak Jewova pandan tout lavi l. Antanke yon ti gason, li te refize vin kòwonpi menm jan ak Ofni ak Fineyas, pitit gason Eli yo (1Sa 2:22-26). Samyèl te kontinye grandi, e Jewova te ansanm avè l (1Sa 3:19). Lè l te vin granmoun, li te kontinye mache nan chemen Jewova a, menm lè pitit gason l yo pa t fè sa. — 1Sa 8:1-5.

Ki sa nou ka aprann nan egzanp Samyèl? Si w se yon jèn, ou mèt gen konfyans Jewova konprann pwoblèm w ap rankontre ak fason w santi w. Li ka ede w pou w gen kouraj (Eza 41:10, 13). Si w se yon paran ki gen pitit ou ki pap sèvi Jewova, ou ka jwenn rekonfò lè w konnen Samyèl pa t ka fòse pitit gason l yo ki fin gran rete atache ak prensip Jewova yo. Toutpandan Samyèl te lage bagay yo nan men Jewova, li te kenbe entegrite l e l te fè Jewova, Papa l ki nan syèl la plezi. Petèt, bon egzanp ou bay ka pouse pitit ou a tounen vin sèvi Jewova.

GADE VIDEYO KI GEN TIT ANN APRANN NAN MEN YO — SAMYÈL, EPI REPONN KESYON KI ANNAPRE YO:

• Antanke yon ti gason, ki jan Samyèl te montre l gen kouraj?

• Ki jan Dani te montre l gen kouraj?

• Antanke yon granmoun, ki jan Samyèl te bay yon bon egzanp?

• Ki jan paran Dani yo te bay yon bon egzanp?