Ezayi 64:1-12
64 Si w te annik ouvè syèl la de bò epi w desann,Pou mòn yo ka tranble devan w
2 Tankou lè yon dife pran nan kèk ti moso bwa,E dife a fè dlo bouyi,Lè sa a, advèsè w yo t ap konn non w,E nasyon yo t ap tranble devan w.
3 Lè w te fè yon seri bagay ki te fè moun gen lakrentif pou ou, bagay nou pa t menm espere+,Ou te desann, e mòn yo te pran tranble poutèt ou menm+.
4 Depi nan tan lontan, pa gen pèsonn ki te ni tande ni koute yon Dye,Ni pa gen yon moun ki te wè yon Dye tankou w,Yon Bondye ki aji byen ak moun ki ret tann li* yo+.
5 Ou mache ak moun ki kontan fè sa ki jis+,Moun ki sonje w e k ap suiv wout ou yo.Gade! Ou vin fache anpil pandan nou kontinye ap fè peche+.Nou te fè anpil tan ap fè sa.Èske nou merite pou yo delivre nou?
6 Nou tout vin tankou moun ki pa pwòp,E tout sa ki dwat nou fè tankou twal lenj+.Nou tout ap fennen tankou fèy bwa,Epi, peche nou yo ap pote nou ale tankou van.
7 Pa gen yon moun k ap louwe non w,Pa gen pèsonn ki fè efò pou l chèche w e pou l kenbe w djanm.Paske, ou kache figi w pou nou+,E ou fè nou depafini* akoz* peche nou.
8 Men, kounye a, o Jewova, ou se Papa nou+.Nou se ajil, e ou se Atizan ki ban nou fòm nan+,Nou tout se travay ou fè ak men w.
9 Pa fache twòp, o Jewova+,E pa sonje peche nou fè yo nètale.Tanpri, voye je gade nou, paske nou tout se pèp ou.
10 Vil sakre w yo vin tounen yon dezè.Siyon vin tounen yon dezè.Jerizalèm vin tounen yon zòn ki dezole+.
11 Yo te met difeNan kay* nou an ki sakre e ki gen glwa*,Kote zansèt nou yo te konn fè louwanj pou ou a+,E tout sa nou te renmen yo tounen dekonm.
12 Akoz tout bagay sa yo, o Jewova, èske w ap rete san w pa fè anyen?Èske w ap ret san w pa di anyen e w ap kite yo fè nou pase tout mizè sa a+?
Nòt anba paj
^ Oswa: “ret tann li avèk pasyans”.
^ Lit.: “fonn”.
^ Lit.: “anba men”.
^ Oswa: “tanp”.
^ Oswa: “ki bèl”.
