Ezayi 43:1-28
43 Kounye a, men sa Jewova, Kreyatè w la, di, o Jakòb,Sila a ki fè w la, o Izrayèl+:“Ou pa bezwen pè, paske mwen delivre w+.Se mwen ki ba w non.Se byen m ou ye.
2 Lè w ap janbe dlo, m ap avè w+.Lè w ap travèse rivyè, dlo pap kouvri w+.Lè w ap mache nan dife, ou pap boule,E flanm dife pap kankannen w.
3 Paske, mwen se Jewova, Bondye w la,Bondye Izrayèl la, Bondye ki sen an, Sovè w la.Mwen te bay Ejip,Etyopi ak Seba kòm ranson pou ou.
4 Paske w vin gen anpil valè pou mwen+,Ou enpòtan pou mwen, mwen renmen w+.M ap bay anpil moun ak anpil nasyonPou m ka sove lavi w*.
5 Ou pa bezwen pè, paske mwen avè w+.M ap fè pitit ou yo* sot nan lès,E m ap fè yo rasanble sot nan lwès+.
6 M ap di zòn nò a: ‘Kite yo ale!+’E m ap di zòn sid la: ‘Pa anpeche yo ale.Fè pitit gason m yo sot byen lwen e fè pitit fi m yo sot nan dènye bout tè a+,
7 Sa vle di tout moun ki pote non m yo+,Moun mwen te kreye pou glwa m yo,Moun mwen te fè yo+.’
8 Fè pèp la soti. Yo gen je, men yo avèg,Yo gen zòrèy, men yo soud+.
9 Se pou tout nasyon rasanble yon sèl kote,E se pou pèp yo reyini ansanm+.Kiyès pami dye yo ki ka di sa?Oubyen èske yo ka fè nou tande premye bagay yo*+?Se pou yo vin ak temwen yo pou yo montre se yo ki gen rezon!Oubyen se pou yo tande e se pou yo di: ‘Sa se laverite+!’”
10 Men sa Jewova di: “Nou se temwen m+,Wi, nou se sèvitè m mwen chwazi+,Pou nou ka konnen m, pou nou ka gen lafwa nan mwen*,E pou nou ka konprann mwen se menm Moun nan+.Anvan m, pa t gen okenn dye ki te fèt,E apre m, pa menm gen youn+.
11 Mwen menm, mwen se Jewova+, e apa mwen menm, pa gen okenn sovè+.”
12 Men sa Jewova di: “Mwen se Sila a ki pale a, ki te sove nou an e ki te fè nou konnen sa k pral riveLè pa t gen okenn lòt dye nan mitan nou+.Se sa k fè nou se temwen m, e se mwen ki Bondye+.
13 Epitou, mwen toujou menm Moun nan+.Pèsonn pa ka rache anyen nan men m+.Lè m ap aji, kiyès ki ka bloke m+?”
14 Men sa Jewova, Sovè* w la+, Bondye Izrayèl la, Bondye ki sen an, di+:“Poutèt ou menm, m ap voye al kraze tout ba fè yo konn fèmen pòtay ki nan Babilòn yo+,E moun Kalde ki nan bato yo ap rele pou yo mande sekou+.
15 Mwen se Jewova, Bondye w la ki sen+, Bondye ki kreye Izrayèl la+, Wa w la+.”
16 Men sa Jewova di,Sila a ki fè yon wout travèse lanmè aE ki fè yon chemen pase menm nan mitan dlo ki move yo+,
17 Sila a ki fè charyo yo konn fè lagè yo soti ansanm ak cheval yo+,Ki fè lame a soti ansanm ak sòlda ki vanyan yo:“Yo pral kouche, men yo pap leve+.Y ap etenn souf yo tankou flanm yon lanp yo kouvri.”
18 “Pinga nou sonje ansyen bagay yo,E pinga nou ret ap reflechi sou tan ki pase yo.
19 Gade! M ap fè yon bagay tounèf+.Li parèt kounye a menm.Ou pa konn ki sa l ye?M ap fè yon wout travèse dezè a+,E m ap fè rivyè pase nan dezè a+.
20 Bèt sovaj yo ap gen respè pou mwen,Chen sovaj yo ak otrich yo tou,Paske mwen bay dlo nan dezè a,Mwen mete rivyè dlo nan dezè a+,Pou pèp mwen an, pèp mwen chwazi a+, ka bwè,
21 Pèp mwen te fè pou mwen an,Pou yo ka fè konnen glwa mwen+.
22 Men, ou pa t rele m pou w mande m ede w, o Jakòb+,Paske ou te vin bouke avè m, o Izrayèl+.
23 Ou pa t pote mouton pou w fè sakrifis y ap boule nèt pou mwen,E ou pa t fè sakrifis pou mwen pou w ban m glwa.Mwen pa t fòse w ban m kado,E mwen pa t fè w bouke avè m nan plede mande w boule lansan blan pou mwen+.
24 Ou pa t achte wozo santi bon pou mwen ak lajan w,E ou pa t fè kè m kontan ak grès sakrifis ou yo+.Olye de sa, ou fè peche w yo tounen yon chay pou mwen,E ou fè m bouke ak bagay mal ou fè yo+.
25 Mwen menm, mwen se Sila a k ap efase sa nou fè ki mal* yo+ poutèt non mwen+E mwen pap sonje peche nou yo+.
26 Fè m sonje. Annou vin jije youn ak lòt.Vin rakonte sa k te pase pou w ka montre ou gen rezon.
27 Ansyen zansèt nou yo te peche,E pòtpawòl* nou yo te vire do ban mwen+.
28 Se sa k fè, m ap rabese chèf yo ki nan kote ki sakre a.M ap kite yo detwi Jakòb,E m ap kite yo di Izrayèl vye pawòl pou yo manke l dega+.
Nòt anba paj
^ Oswa: “sove nanm ou”.
^ Oswa: “desandan w yo”. Lit.: “semans ou”.
^ Petèt se premye bagay ki pral rive alavni yo.
^ Oswa: “pou nou ka kwè nan mwen”.
^ Oswa: “Sila a ki pral rachte”.
^ Oswa: “efase zak rebelyon nou”.
^ Petèt se moun ki t ap anseye Lalwa yo.
