Eklezyas 5:1-20
5 Veye ki jan w ap aji lè w al lakay vrè Dye a+. Pito w ale pou w koute+ olye pou w al bay sakrifis menm jan moun sòt yo fè+, paske yo pa konnen si sa y ap fè a pa bon.
2 Pa kouri pale e pa kite kè w fè w kouri di anyen devan vrè Dye a+, paske vrè Dye a nan syèl la, men ou menm ou sou tè a. Se poutèt sa, pa di plis pase sa w dwe di+.
3 Paske, lè yon moun gen twòp tètchaje*+, sa fè l reve, e moun ki sòt la ap di pawòl ki pa gen sans paske l pale twòp+.
4 Lè w fè Bondye yon ve, pa pran tan pou w fè sa w di a+, paske li pa renmen moun ki sòt+. Lè w fè yon ve, kenbe pawòl ou+.
5 Pito w pa fè okenn ve olye w fè yon ve epi w pa kenbe pawòl ou+.
6 Pa kite bouch ou* fè w peche+, e pinga w di devan zanj lan* se te yon erè+. Poukisa pou w fè vrè Dye a fache kont ou pou sa w di a, pou l oblije kraze travay ou te fè ak men w lan+?
7 Paske, menm jan lè yon moun gen anpil bagay ki chaje tèt li, sa fè l fè rèv+, se konsa tou lè yon moun pale anpil, sa fè l di pawòl ki san valè. Men, se pou w gen lakrentif pou vrè Dye a+.
8 Si w wè yon chèf ap fè moun ki malere abi e li pa respekte sa ki jis ak sa ki dwat nan zòn ou an, pa sezi pou sa+. Paske gen yon chèf ki gen pi gwo pozisyon pase l k ap gade l, epi gen lòt chèf ki gen pi gwo pozisyon pase yo.
9 Epitou, yo tout jwenn pòsyon pa yo nan sa tè a bay. Menm manje wa a ap manje se nan jaden yo soti+.
10 Yon moun ki renmen ajan pap janm kontante l ak ajan, e yon moun ki renmen richès pap janm kontante l ak sa l genyen+. Sa a tou ap pase+.
11 Lè yon moun vin gen anpil bon bagay, vin gen plis moun pou jwi yo+. E ki avantaj moun ki genyen yo a ap jwenn? Èske se pa sèlman gade li ka gade yo ak je l+?
12 Yon sèvitè dòmi byen dous, kit li jwenn yon tikras manje, kit li jwenn anpil manje. Men, pakèt byen moun rich la genyen yo pa kite l dòmi.
13 Gen yon gwo malè* mwen wè sou tè a*: yon moun ki ranmase anpil richès pou rale malè sou tèt li.
14 Akoz gwo risk li pran* ki pa bon menm, li pèdi richès sa yo. Epi, lè l vin gen yon pitit, li pa gen okenn byen pou l kite pou li+.
15 Menm jan yon moun sot nan vant manman l toutouni, se konsa tou li prale san anyen, menm jan l te vini an+. Li pa ka ale ak anyen malgre tout travay di li te fè yo+.
16 Men yon lòt gwo malè* ankò: Menm jan li te vini an, se konsa l prale. Bon, si yon moun kontinye travay di pou granmesi, ki avantaj l ap jwenn+?
17 Mete sou sa, li pa janm manje ak kè kontan, li gen anpil pwoblèm, li malad anpil e li toujou ap fè kòlè+.
18 Men sa m wè ki bon e ki kòrèk: se pou moun sa a manje, se pou l bwè e se pou l gen kè kontan pou tout travay li redi+ fè sou tè a pandan ti tan vrè Dye a ba l pou l viv la, paske se sa ki rekonpans* pa l+.
19 Epitou, lè vrè Dye a bay yon moun richès ak anpil byen+ e li pèmèt li jwi yo, moun sa a dwe pran rekonpans* ki pou li a e li dwe kontan nan travay di l ap fè. Sa a se kado Bondye bay+.
20 Paske, l ap difisil pou moun sa a rann li kont* valè pwoblèm li jwenn pandan kèk jou li fè ap viv la, piske vrè Dye a fè l viv ak kè kontan+.
Nòt anba paj
^ Oswa: “twòp bagay pou l reflechi”.
^ Lit.: “chè w”.
^ Oswa: “mesaje a”.
^ Oswa: “kalamite”.
^ Lit.: “wè anba solèy la”.
^ Oswa: “Akòz okipasyon l”.
^ Oswa: “kalamite”.
^ Oswa: “pòsyon”.
^ Oswa: “pòsyon”.
^ Oswa: “moun sa a sonje”.
