Eklezyas 4:1-16
4 Mwen te vin reflechi ankò sou tout abi moun kontinye ap fè sou tè a. Mwen te wè dlo nan je moun y ap fè abi yo, men pa t gen pèsonn pou konsole yo+. Epi, moun ki t ap fè yo abi yo te gen pouvwa. Se pou sa, pa t gen pèsonn pou konsole yo.
2 Epi, mwen te wè moun ki deja mouri yo pi byen pase moun ki vivan toujou yo+.
3 Moun ki poko fèt yo pi byen pase yo toule de+, moun sa yo poko wè move zak k ap fèt sou tè a*+.
4 Mwen wè valè efò* ak pakèt travay ki mande ladrès lèzòm ap fè paske yo nan konpetisyon youn ak lòt+. Men, sa a tou ap pase, se kòmsi se dèyè van y ap kouri.
5 Moun sòt la kwaze bra l epi l ap depafini*+.
6 Li pi bon pou yon moun pran yon ti repo* olye l plede ap travay di* e li kontinye ap kouri dèyè van+.
7 Mwen te reflechi sou lòt bagay ki se vanite* k ap fèt sou tè a:
8 Gen yon moun ki poukont li. Li pa gen okenn zanmi. Li pa gen ni pitit, ni frè. Malgre sa, li pa sispann travay di. Li pa janm kontante ak richès li genyen+. Bon, èske li konn mande tèt li: ‘Pou ki moun m ap travay di konsa, san m pa fè tèt mwen* plezi+’? Sa a tou se vanite e se yon travay ki bay dekourajman+.
9 De pi bon pase youn+, piske yo gen yon bon rekonpans* pou travay di yo fè.
10 Paske, si youn nan yo tonbe, lòt la kapab ede zanmi l lan kanpe. Men, ki sa k ap rive yon moun ki tonbe ki pa gen pèsonn pou ede l leve?
11 Mete sou sa, si de moun kouche ansanm, youn ap chofe lòt. Men, ki jan yon moun kapab chofe tèt li poukont li?
12 Yon moun gendwa kapab kraze yon lòt moun ki poukont li, men de moun ansanm ka kenbe tèt avè l. Epitou, yon kòd ki trese an twa pap kase fasil*.
13 Yon jèn gason ki malere, men ki gen sajès, pi bon pase yon wa ki granmoun, men ki sòt+ e ki pa koute konsèy menm+.
14 Paske, li* sot nan prizon pou l vin wa+, byenke li te fèt tou malere nan moman wa a te sou pouvwa a+.
15 Mwen wè sa k rive tout moun ki vivan k ap mache sou tè a e mwen wè sa k rive jèn gason ki pran plas wa a.
16 Byenke li gen anpil moun l ap dirije, moun k ap vin apre l yo pap kontan avè l+. Sa a tou ap pase, se kòmsi se dèyè van li t ap kouri.
Nòt anba paj
^ Lit.: “k ap fèt anba solèy la”.
^ Oswa: “valè travay di”.
^ Lit.: “epi l ap manje vyann kò l”.
^ Lit.: “pran yon ponyen repo”.
^ Lit.: “olye l pran de ponyen travay di”.
^ Oswa: “ki pa vo anyen; k ap pase”.
^ Oswa: “nanm mwen”.
^ Oswa: “yo gen pi gwo avantaj”.
^ Oswa: “vit”.
^ Petèt se jèn gason ki gen sajès la.
