Jòb 9:1-35
9 Epi, Jòb reponn:
2 “Wi, mwen byen konnen se sa l ye.Men, ki jan pou lòm ka fè gen rezon nan jijman ak Bondye+?
3 Si yon moun vle diskite avè l*+,Moun sa a pap ka reponn menm youn nan mil kesyon li t ap poze.
4 Li gen sajès* e li gen anpil pisans+.Ki moun ki ka fè fòs avè l san anyen pa rive moun sa a+?
5 Li deplase mòn yo san pèsonn pa konnen,Lè l an kòlè, li vire yo tèt anba.
6 Li fè tè a tranble,Se sa k fè poto l yo tranble+.
7 Li bay solèy la lòd pou l pa klereE li bare limyè zetwal yo+,
8 Li deplwaye syèl la poukont li+E li mache sou gwo lanm lanmè+.
9 Se li ki fè gwoup zetwal Ach yo*, gwoup zetwal Kesil yo*,Gwoup zetwal Kima yo*+ ak gwoup zetwal ki nan zòn sid syèl la*.
10 Li fè gwo mèvèy, bagay moun pa ka konprann+,Yon pakèt bèl bagay moun pa ka konte+.
11 Li pase toupre m, men m pa ka wè l,Li pase devan m, men m pa rekonèt li.
12 Lè l pran yon bagay, kiyès ki ka redi avè l?Kiyès ki ka di l: ‘Ki sa w ap fè konsa+?’
13 Bondye pap frennen kòlè l+,Menm sila k ap ede Rahab* yo+ ap koube devan l,
14 Ki dire pou mwen lè m ap reponn li,Èske m pa dwe byen chwazi pawòl m ap di pou m diskite avè l?
15 Menmsi m ta gen rezon, mwen pa t ap reponn li+.Se favè sèlman m ta ka mande jij mwen an* pou l fè m.
16 Si m rele l, èske l ap reponn mwen?Mwen pa kwè l ap koute m.
17 Paske li lage anpil malè sou mwenE li fè soufrans mwen vin anpil san rezon+.
18 Li pa kite m pran souf.Li kontinye lage kalamite sou mwen.
19 Si gen pou pisan, se li ki pisan+.Si se pou konnen ki moun ki jis, li di: ‘Kiyès ki ka mande m regleman*?’
20 Si m ta gen rezon, bouch mwen t ap kondane m,Menmsi m ta ret fidèl nan tout bagay*, li t ap deklare m koupab*.
21 Menmsi m ta ret fidèl nan tout bagay*, se pa mwen ki t ap konn sa*,E mwen t ap rayi* lavi m.
22 Se menm bagay la. Se poutèt sa mwen di:
‘Li detwi ni moun ki inosan* ni moun ki mechan, san l pa fè diferans.’
23 Si yon gwo delij ta lakòz lanmò anpil moun sanzatann,Li t ap ri malè moun ki inosan yo.
24 Li lage tè a anba kontwòl moun ki mechan yo+,Li bouche je* jij ki sou tè a.Si se pa li menm, ebyen, kiyès ki fè sa?
25 Lavi m pase pi vit pase yon moun k ap kouri al bay yon mesaj+,E mwen pa janm gen kè kontan.
26 Li file l ale tankou bato ki fèt ak wozo,Tankou èg k ap plonje sou lòt bèt pou yo pran yo.
27 Si m ta di: ‘M ap sispann plenyen,M ap chanje figi m e m ap gen kè kontan’,
28 Mwen t ap toujou pè akoz tout soufrans mwen yo+,E m konnen ou pa t ap wè m inosan.
29 Ou t ap wè m koupab*.Bon, poukisa pou m ta fè tout efò sa yo pou granmesi+?
30 Menmsi m ta benyen ak dlo lanèj ki fonnE m ta lave men m ak savon*+,
31 Ou t ap lage m nan yon twou,Menm rad mwen t ap rayi m.
32 Paske Bondye pa yon moun menm jan avè m pou m ta reponn li,E pou m ta al lajistis avè l+.
33 Pa gen pèsonn* pou di kiyès nan nou ki gen rezon,Pa gen pèsonn ki ka sèvi nou jij*.
34 Si l ta sispann bat mwen*E li pa ta fè m pè ankò+,
35 Mwen t ap pale avè l san m pa pè,Paske mwen pa pè pale avè l.
Nòt anba paj
^ Oswa: “vle mennen l nan tribinal”.
^ Lit.: “sajès nan kè l”.
^ Petèt se gwoup zetwal yo rele Gwo Lous la.
^ Lit.: “ak chanm ki nan direksyon sid yo”.
^ Petèt se zetwal yo rele Pleyad yo ki nan gwoup zetwal yo rele Towo a.
^ Petèt se gwoup zetwal yo rele Oryon an.
^ Petèt se yon gwo bèt nan lanmè.
^ Se kapab tou: “mande moun ki advèsè m nan tribinal la”.
^ Lit.: “ki ka rele m”.
^ Oswa: “Menmsi m inosan”.
^ Lit.: “kwochi”.
^ Oswa: “Menmsi m inosan”.
^ Oswa: “mwen pa konn nanm mwen”.
^ Oswa: “meprize; nye”.
^ Oswa: “moun ki ret fidèl nan tout bagay”.
^ Lit.: “figi”.
^ Lit.: “mechan”.
^ Oswa: “potas”.
^ Oswa: “Pa gen yon abit”.
^ Lit.: “ki ka mete men l sou nou de a”.
^ Lit.: “ta retire baton l sou mwen”.
