Jòb 17:1-16
17 “Mwen santi m faya, lavi m fini,Se simityè k ap tann mwen+.
2 Moun k ap pase m nan rizib yo toutotou m+,E mwen oblije ret ap gade* konduit yo genyen ki montre jan yo rebèl.
3 Tanpri, pwomèt mwen w ap soutni m.Èske gen yon lòt moun ki ka ede m+?
4 Piske ou pa kite yo gen bon jijman nan kè yo+,Se sa k fè ou pa fè lwanj pou yo.
5 Yon moun ka vle pataje sa l genyen ak zanmi l,Alòske pitit li yo tèlman grangou, yo pa wè.
6 Bondye fè m tounen yon moun y ap pase nan rizib* nan mitan pèp yo+.E yo krache nan figi m+.
7 Soufrans fè m pa ka wè byen+,E tout manm mwen yo vin fèb.
8 Moun ki dwat yo sezi lè yo wè sa,Moun ki san repwòch yo santi yo boulvèse lè y ap gade moun ki vire do bay Bondye yo*.
9 Moun ki dwat yo kontinye mache nan chemen yo+,Moun ki inosan yo vin gen plis fòs+.
10 Men, nou tout mèt kontinye kritike m,paske mwen pa wè youn nan nou ki gen sajès+.
11 Lavi m fini+,plan m yo echwe, tout anvi m te gen nan kè m ale+.
12 Zanmi m yo ap bay manti, yo pa di laverite,Y ap di: ‘Limyè a toupre’, men tout sa m ka wè se fènwa.
13 Si m tann, se Tonm* k ap vin tounen kay mwen+,Mwen pral ranje kabann mwen nan fènwa+.
14 M ap di twou a*+: ‘Se ou ki papa m!’M ap di vè yo: ‘Nou se manman m e nou se sè m!’
15 Bon, ki kote espwa m ye+?Kiyès ki ka wè espwa pou mwen?
16 Espwa m ap desann nan Tonm* nan,Ni mwen menm ni espwa m ap desann nan pousyè+.”
Nòt anba paj
^ Oswa: “ap panse sou”.
^ Lit.: “yon pwovèb; yon pawòl”.
^ Oswa: “lè y ap gade aposta yo”.
^ Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
^ Oswa: “tonm nan”.
^ Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
