¿Releépa raʼe umi rrevísta Ñemañaha osẽ ramovéva? Ehechamína ikatúpa nemanduʼa koʼã mbaʼére:

¿Mbaʼépa Jehová opensa umi gérrare isrraelitakuéra tiémpope?

Jehová oporohayhueterei, péro heta vése opermiti vaʼekue umi gérra, umi tetã ambuegua iñaña ha ojopyeterei haguére ipuévlope. Ñandejára odesidi mávapa oñorairõ vaʼerã ha arakaʼépa (w15 1/11, páh. 4, 5).

¿Mbaʼépa ojapo vaʼerã tuakuéra ikatu hag̃uáicha omboʼe ifamília adoleséntepe oservi hag̃ua Jehovápe?

Tuakuéra tekotevẽ odemostra ifamíliape ohayhuha chupe, ha ohechauka vaʼerã iñumildeha iñehémplo rupive. Iñimportánte avei imbaʼerechakuaa ha oñehaʼãmbaite ontende pe adolesénte opensáva ha oñandúva (w15 15/11, páh. 9-11).

¿Mbaʼérepa ndaikatúi jaʼe el pápa haʼeha Pedro susesór?

Mateo 16:17, 18 ndeʼíri apóstol Pedro haʼe hague pe omoakãva pe kongregasión kristiána. La Biblia ohechauka Jesús voi haʼe hague pe ita omopyendáva pe kongregasión, ndahaʼéi vaʼekue Pedro (1 Ped. 2:4-8) (w15 1/12, páh. 12-14).

¿Mbaʼépa jareko vaʼerã enkuénta ñañeʼẽ mboyve?

Ikatu hag̃uáicha ñaporomokyreʼỹ ñañeʼẽ jave, ñañatende vaʼerã: 1) mbaʼe moméntopepa ñañeʼẽta (Ecl. 3:7), 2) mbaʼépa jaʼéta (Prov. 12:18), ha 3) mbaʼéichapa jaʼéta (Prov. 25:15) (w15 15/12, páh. 19-22).

¿Mbaʼe mbaʼépa ndojapói umi iñonrrádova?

Umi kristiáno verdadéro ndaijapúi ni ndotakýi hapicháre. Avei haʼekuéra nomondái ni nombotavýi avavépe ojapo jave negósio (wp16.1, páh. 5).

¿Mávapa rakaʼe umi “saserdóte ruvichakuéra” oñeñeʼẽha la Bíbliape?

Umíva haʼe vaʼekue umi saserdóte iñimportantevéva. Oiméne oĩ rakaʼe ijapytepekuéra umi persóna iñimportantevéva pe saserdóte guasu hentekuéra apytégui, ha umi haʼe vaʼekue saserdóte guasu, péro upéi okúi (wp16.1, páh. 10).

¿Mbaʼéichapa jatrata vaʼerã umi hoʼúvape pan ha víno Konmemorasiónpe?

Kristianokuéra nombotuichái chupekuéra. Avei, peteĩ persóna añetehápe haʼéva unhído nollamaséi la atensión, ni ndoikói oñeʼẽ umi mbaʼe ojapótavare yvágape (Mat. 23:8-12) (w16.01, páh. 23, 24).

¿Mbaʼépa ojapo vaʼekue Abrahán oiko hag̃ua Jehová amígoramo?

Abrahán oikuaa Jehovápe ha ojerovia hese, oiméne ohendu rupi Sémpe. Avei, ohasávo pe tiémpo, haʼe ohechakuaa vaʼekue mbaʼéichapa Jehová ogia chupe ha ifamíliape. Ñande ñañehaʼã vaʼerã jajapo avei haʼe ojapo haguéicha (w16.02, páh. 9, 10).

¿Mávapa omoĩ la Bíbliape umi kapítulo ha versíkulo?

Umi hudío ojapóva kópia Ñandejára Ñeʼẽgui odividíma vaʼekue por versíkulo umi Escrituras Hebreas. Péro áño 1200 riremi, peteĩ paʼi hérava Stephen Langton, odividi la Biblia por kapítulo. Ha 300 áñorupi upe rire, peteĩ expérto hérava Robert Estienne, odividi por versíkulo umi Escrituras Griegas Cristianas, ha oipuru avei umi versíkulo oĩma vaʼekue voi umi Escrituras Hebréaspe (wp16.2, páh. 14, 15).

Satanás omoñuhãsérõ guare Jesúspe, ¿oguerahápa raʼe chupe pe témplope?

Añetehápe ningo ndajaikuaaporãi upéva. Mateo 4:5 ha Lucas 4:9-pe heʼíva, ikatu osignifika Satanás ohechauka hague Jesúspe pe témplo peteĩ visión rupive, térã añetehápe “ogueraha” ha “ohupi [hague] chupe pe témplo murálla ári” (w16.03, páh. 31, 32).

¿Mbaʼérepa ikatu jaʼe ñane predikasión ojoguaha pe ysapýpe?

Pe ysapy ningo omoheʼõ pe yvy ha umi plánta, ipiroʼy asy, ha ideprovécho jaikove hag̃ua (Deut. 33:13). Péicha avei, pe predikasión ojapóva oñondivepa Jehová siervokuéra, haʼe peteĩ vendisión umi héntepe g̃uarã (w16.04, páh. 4).