«Püküja nümüin Jehová tü alatakat pümüin jee nükaalinjeechikalaka pia. Nnojoleechi niyüülajüin wanee wayuu eekai lotuin akuwaʼipa».

Salmo 55:22

«Chi wayuu jülüjakai aaʼin palajana tü kasa naainjainjatkat, aneerü sukuwaʼipa nutuma. Aluʼusaʼa chi wayuu ashapajaakai aaʼin sünain tü naainjainjatkat, nnojoleerü kasain nüntüin anain».

Proverbios 21:5

«Nnojo mmoluin pia, anii taya pümaa. Nnojo shapaain paaʼin, taya chi Pümaleiwasekai. Shiimain katsüinjeerüin paaʼin tatuma. Shiimainshaata maʼin takaalinjeechin pia. Ayateechi takaalinjain pia süka tü tajapü tekiakat».

Isaías 41:10

«¿Epijaajeenache jia shapaakuʼu sümüle jaaʼin?».

Mateo 6:27

«Nnojo shapaain jaaʼin saaʼu tü kasa choʼujaajeetkat jümüin wattaʼa, eejeerü tü kasa shapaakalü atuma jaaʼin wattaʼaya. Wainmawai tü kasa alatakat wamüin soʼukaiwai».

Mateo 6:34

 «Achuntushi maʼin taya jüpüleerua süpüla jiyaawatüinjatüin saaʼu kasain maʼin choʼujaain süpüla jaaʼinrajatüin».

Filipos 1:10

«Nnojo shapaain jaaʼin saaʼu wanee kasa. Aluʼu shiainjaʼa anain juʼuraajüle nümüin Maleiwa sümaa juchuntuin maʼin nümüin nuʼunirajatüin jukuwaʼipa sünain kasa süpüshuaʼa jee jaapa waneepia analuʼut nümüin. Jaainjale tia, jimateerü jaaʼin nutuma Maleiwa jee naaʼinmajeerü tü suluʼukat jaaʼin jee tü suluʼukat jikii nükajee Cristo Jesús. Nnojoishi eein wanee wayuu ayaawatakai saaʼu tia jimataa aaʼin naapakat Maleiwa».

Filipos 4:6, 7