Nünüiki Maleiwa tü Bibliakat jee wapülajatü shia. Süküjain tü waaʼinrajatkat süpüla anain wakuwaʼipa otta süpüla talatüin Maleiwa wamaa. Asoutusü shia shiʼipajee tü pütchi yaakat wünaapünaa:

PÜCHAJAWEERE WANEE PÜTCHI SULUʼU TÜ BIBLIAKAT

Eesü 66 karaloʼuta suluʼu tü Bibliakat otta piamasü shiʼipa: hebreo sümaa arameo, «Antiguo Testamento» münüsü tia jee ashajünüsü tü wane shiʼipakat suluʼu griego, «Nuevo Testamento» münüsü tia. Süpüla püchajaain wanee pütchi suluʼujee tü Bibliakat, püchajaainjatü süka kapiitulo otta wetsiikulo. Piʼreerü palajana sünülia tü karaloʼuta püchajaainjatkalü aluʼu tü pütchikat; piʼreetka wanee nuumero, shia tü kapiitulokat; piʼreetka wane nuumeroya, shia tü wetsiikulokot. Jamüsüjaʼa Mateo 1:1, shia süküjeeka achiki Mateo kapiitulo 1, wetsiikulo 1.