Yesaya 26:1-21
26 Gbe ma gbe la, woadzi ha+ sia le Yuda-nyigba dzi be:+
“Du sesẽ aɖe le mía si.+
Etsɔ xɔname wɔ gli kple kpo ɖe eŋu keŋ.+
2 Miʋu agboawo,+ ne dukɔ dzɔdzɔe la nage ɖe eme,Dukɔ si wɔa nuteƒe.
3 Àkpɔ ame si ziɔ ɖe ŋuwò* bliboe la ta;Àna ŋutifafa siwo nɔa anyi ɖaa la wo,+Elabena ŋuwòe woɖo ŋu ɖo.+
4 Miɖo ŋu ɖe Yehowa ŋu ɖaa,+Elabena Yah* Yehowae nye Agakpe tegbee.+
5 Elabena eƒu kɔkɔƒenɔlawo anyi, ebɔbɔ du kɔkɔ la ɖe anyi.
Ebɔbɔe ɖe anyi,Ebɔbɔe va se ɖe anyigba ke;Exlãe ɖe ke me.
6 Afɔ afanyae;Fukpelawo kple ame tsɛwo ƒe afɔwoe afanyae.”
7 Ame dzɔdzɔe ƒe toƒe le tẽe.*
Esi nènye nu dzɔdzɔe wɔla ta la,Àna ame dzɔdzɔe ƒe mɔ dzi nasɔ.
8 Oo Yehowa, esi míele wò ʋɔnudɔdrɔ̃ ƒe mɔ dzi la,Wòe míele mɔ kpɔm na.
Wò ŋkɔ kple wò ŋkuɖodzi dzro mí* vevie.*
9 Èdzroa nye ameti* bliboa vevie le zã me,Ɛ̃, nye gbɔgbɔ dia wò vevie;+Elabena ne wò ʋɔnudɔdrɔ̃ va anyigba dzi la,Anyigbadzinɔlawo srɔ̃a dzɔdzɔenyenye.+
10 Ne wove ame vɔ̃ɖi nu hã la,Masrɔ̃ dzɔdzɔenyenye o.+
Le dzɔdzɔenyenyenyigba dzi gɔ̃ hã, awɔ nu madzɔmadzɔ,+Eye medzea si Yehowa ƒe gãnyenye o.+
11 Oo Yehowa, wò alɔ le dzi, ke womele ekpɔm o.+
Woakpɔ ale si nètsɔa dzo ɖe wò dukɔ la ŋu, eye ŋu akpe wo.
Ɛ̃, wò dzo afiã wò ketɔwo.
12 Oo Yehowa, àna ŋutifafa mí,+Elabena nu sia nu si míewɔ la,Èwɔe de go na mí.
13 Oo Yehowa mía Mawu, aƒetɔ bubuwo ɖu mía dzi kpɔ kpe ɖe ŋuwò,+Gake wò ɖeka ko ƒe ŋkɔ míeyɔ.+
14 Woku; womaganɔ agbe o.
Esi woku, eye wɔna vɔ le wo ŋu ta la, womagafɔ o.+
Elabena ètrɔ ɖe wo ŋu,Be nàtsrɔ̃ wo gbidii ahatutu woƒe ŋkɔwo ɖa keŋkeŋ.
15 Oo Yehowa, èna dukɔ la dzi ɖe edzi;Èna dukɔ la dzi ɖe edzi;Èkɔ ɖokuiwò ŋu.+
Èkeke anyigba la ƒe liƒowo katã ɖe enu.+
16 Oo Yehowa, wotrɔ ɖe ŋuwò le woƒe xaxaɣi;Esi nèhe to na wo la, wodo dalĩ do gbe ɖa.+
17 Ale si funɔ si ƒe vidziɣi ɖoLéa ku eye wòdoa ɣli le vevesese ta la,Yehowa, nenemae míenɔ le tawò.
18 Míefɔ fu, eye míelé ku,Gake ɖeko wòle abe yae míedzi ene.
Míehe xɔname va anyigba la dzi o,Eye míedzi ame aɖeke ne wòanɔ anyigba la dzi o.
19 “Wò ame kukuwo agbɔ agbe.
Nye kukuawo* afɔ ɖe tsitre.+
Mi ketumetɔwo,+Minyɔ, ne miatso aseye!
Elabena miaƒe zãmu le abe esi dzana le ŋdi me ene,*Eye anyigba ana ame siwo ŋu wɔna vɔ le le ku me la nagbɔ agbe.*
20 Nye dukɔ, yi ɖe wò xɔgãwo me,Eye nàtu ʋɔ ɖe ɖokuiwò nu.+
Ɣla ɖokuiwò vieVa se ɖe esime dziku la nu nava yi.+
21 Elabena Yehowa do tso enɔƒe gbɔnaBe yeabia akɔnta anyigba la dzi nɔlawo ɖe woƒe vodada ta,Anyigba la aklo nu le ʋu si wokɔ ɖe edzi la dzi,Eye magatsyɔ nu ame siwo wowu ɖe edzi la dzi azɔ o.”
Etenuŋɔŋlɔ
^ Agate ŋu afia, “ame siwo ƒe susu li ke.”
^ “Yah” nye ŋkɔ Yehowa ŋɔŋlɔ kpuie.
^ Alo, “toƒe sɔ.”
^ Alo, “míaƒe luʋɔwo.”
^ Efia be woaɖo ŋku Mawu kple eƒe ŋkɔ dzi, alo woana woanyae.
^ Alo, “luʋɔ.”
^ Egɔmeɖeɖe tẽe, “Nye ame kukuwo.”
^ Agate ŋu afia, “abe zãmu si dza ɖe gbe dzi ene.”
^ Alo, “adzi ame siwo ŋu wɔna vɔ le le ku me.”
