Psalmowo 112:1-10
112 Mikafu Yah!*+
א [Alef]
Dzidzɔtɔe nye ame si vɔ̃a Yehowa,+ב [Bet]
Ame si kpɔa dzidzɔ ɖe eƒe sededewo ŋu vevie.+
ג [Gimel]
2 Ŋusẽ anɔ eƒe dzidzimeviwo ŋu le anyigba la dzi,ד [Dalet]
Woayra ame dzɔdzɔewo ƒe dzidzime.+
ה [He]
3 Nu xɔasiwo kple kesinɔnuwo le eƒe aƒe me,ו [Waw]
Eye eƒe dzɔdzɔenyenye li tegbee.
ז [Zayin]
4 Eklẽna le viviti me abe akaɖi ene na ame dzɔdzɔewo.+
ח [Het]
Esea veve ɖe ame nu,* ekpɔa nublanui na ame,+ eye wòle dzɔdzɔe.
ט [Tet]
5 Eme anyo na ame si nyoa dɔme* hedoa nu na ame.+
י [Yod]
Ewɔa eƒe nuwo katã ɖe eteƒe.
כ [Kaf]
6 Kè maɖe le ete akpɔ o.+
ל [Lamed]
Woaɖo ŋku ame dzɔdzɔe dzi tegbee.+
מ [Mem]
7 Nya vɔ̃wo sese madzi ŋɔ nɛ o.+
נ [Nun]
Eƒe dzi le te sesĩe, eye wòɖoa ŋu ɖe Yehowa ŋu.+
ס [Samek]
8 Dzi le eƒo;* mavɔ̃ o;+ע [Ayin]
Eye mlɔeba atsa ŋku le eƒe ketɔwo dzi aʋadziɖuɖutɔe.+
פ [Pe]
9 Eʋua asi me;* enaa nu ame dahewo.+
צ [Tsade]
Eƒe dzɔdzɔenyenye li tegbee.+
ק [Kof]
Eƒe ŋusẽ* ade dzi le bubu me.
ר [Res]
10 Ame vɔ̃ɖi la akpɔe, eye dzi akui.
ש [Sin]
Aɖu aɖukli, eye wòabu ɖa keŋkeŋ.
ת [Taw]
Ame vɔ̃ɖiwo ƒe didi nu ayi.+
Etenuŋɔŋlɔ
^ Alo, “Haleluyah!” “Yah” nye ŋkɔ Yehowa ŋɔŋlɔ kpuie.
^ Alo, “Ebua ame ŋu.”
^ Alo, “ame si sea veve ɖe ame nu.”
^ Alo, “Eƒe dzi maʋuʋu o.”
^ Alo, “Enyoa dɔme na amewo faa.”
^ Egɔmeɖeɖe tẽe, “dzo.”
