Hosea 8:1-14
8 “Tsɔ kpẽ ɖo nu!+
Futɔ aɖe ho ɖe Yehowa ƒe aƒe la ŋu, egbɔna abe hɔ̃ ene,+Elabena wotu nye nubabla+ la, eye woda nye se la dzi.+
2 Wole ɣli dom nam be, ‘Oo mía Mawu, mí Israel míedze si wò!’+
3 Israel tsɔ nu nyui ƒu gbe.+
Futɔ neti eyome.
4 Woɖo fiawo, ke metso gbɔnye o.
Woɖo amegãwo, ke nyemedze si wo o.
Wotsɔ woƒe klosalo kple sika wɔ legba na wo ɖokuiwo,+Hena woawo ŋutɔwo ƒe tsɔtsrɔ̃.+
5 Oo Samaria, wotsɔ wò nyivi la ƒu gbe.+
Nye dɔmedzoe bi ɖe wo ŋu.+
Ɣekaɣie woava zu ame maɖifɔwo?*
6 Elabena Israel ye esia tso.
Aɖaŋudɔwɔlae wɔe, menye Mawue o;Woagbã Samaria ƒe nyivi la gudugudu.
7 Elabena ya ċmee wole,Eye ahom ye woaxa.+
Nuku mele bo dzi le afi aɖeke o.+Nuku si wɔ la, made na wɔtutu o.
Ne ɖe wɔ hã la, amedzrowo* ahae aɖu.+
8 Woami Israel.+
Azɔ woava nɔ dukɔwo dome,+Abe nugoe si ŋu dɔ womagawɔ o ene.
9 Elabena woyi Asiria,+ abe gbetedzi tsiakogo ene.
Efrayim da ahiãviwo.+
10 Togbɔ be woda wo tso dukɔwo dome hã la,Maƒo wo nu ƒu azɔ;Woakpe fu+ le agba si fiawo kple amegãwo do na wo la ta.
11 Elabena Efrayim ɖi vɔsamlekpuiwo kpaŋkpaŋ be wòatsɔ awɔ nu vɔ̃e.+
Wozu vɔsamlekpui hena nu vɔ̃ wɔwɔ.+
12 Meŋlɔ nye se* la me nya geɖewo nɛ,Ke wobu wo nu tutɔwoe.+
13 Wotsɔa lã saa vɔe be wòanye nunana nam, eye woɖua lã la,Ke woƒe nu medzea Yehowa ŋu o.+
Azɔ aɖo ŋku woƒe vodada la dzi, eye wòahe to na wo ɖe woƒe nu vɔ̃wo ta.+
Wogbugbɔ* yi Egipte.+
14 Israel ŋlɔ Ewɔla+ be, eye wòtu gbedoxɔwo,+Yuda hã tso du sesẽwo.+
Gake maɖo dzo ɖe eƒe duwo me,Ne wòafiã woƒe xɔ tsralawo.”+
Etenuŋɔŋlɔ
^ Alo, “Ɣekaɣie wo ŋu adza?”
^ Alo, “ame tutɔwo.”
^ Alo, “nufiafia.”
^ Agate ŋu afia, “Woatrɔ.”
