Ne̱ni tingame̱ na ndol’a Loba

Bibe̱l e be̱n bete̱sedi, e malee̱ pe̱ bedangwedi ba bwam bena be mongwane̱ biso̱ o tingame̱ na ndol’a Loba.

Leta la Dibe̱le̱ di Madie̱le̱

Dibe̱le̱ di Madie̱le̱ la Mboṅ a Yehova di mome̱le̱ be̱se̱ bena ba to̱ndi Yehova Loba o jokwa ne̱ni die̱le̱ longe̱ labu kaponda mbale̱ ńe o Eyal’ao, Bibe̱l.

JOKWA 1

Ndol’a Loba e maja o bwindea

E mabaise̱ miwe̱n o kombe̱ diko̱m lasu na Loba batabata na ngińa. Ne̱ni jeno̱ ná di we̱le̱ bola nika e?

JOKWA 2

Doi la mulema la bwam oboso ba Loba

Loba a boli mō̱ ńasu te̱ mudiedi o jongwane̱ biso̱ o bia ne̱ni die̱le̱ longe̱ lasu.

JOKWA 3

Be̱ne̱ mako̱m mena ma to̱ndi Loba

Mako̱m me ná ma be̱ne̱ ngińa omo̱ń asu o mbad’a bwam to̱ bobe. Ne̱ni bete̱sedi ba Bibe̱l beno̱ ná bongwane̱ biso̱ o po̱so̱ mako̱m ma bwam e?

JOKWA 4

Ońola nje bola doi la byanedi edube e?

Di be̱n njo̱m a bwam ńa lee̱le̱ edube ońola doi la byanedi oteten a ndabo a mbia, oteten a mwemba, na o mundi di majano̱.

JOKWA 5

Ne̱ni panda na wase

Yesu a kwalane̱ bokwedi bao ná: ‘Lo titi ba wase.’ Ni “wase” ńe nde nje ná te̱ite̱i e, ońola nje pe̱ kriste̱n yangame̱nno̱ panda na mo̱ e?

JOKWA 6

Ne̱ni po̱so̱ mbad’asu ńa longe̱le̱ ńolo

Mbad’a longe̱le̱ ńolo o nin wase ye nde ka epuma yena e be̱n bepasi ba bwam na bepasi be bo̱i. Nje e me̱nde̱ jongwane̱ biso̱ o po̱so̱ mbad’a longe̱le̱ ńolo ńa bwam na banga ńa bobe e?

JOKWA 7

Mo̱, o no̱ngi longe̱ mweńa kana Loba e?

Njika bete̱sedi ba Bibe̱l be mongwane̱ biso̱ o no̱ngo̱ bedomsedi ba bwam jombwea longe̱ na maya e?

JOKWA 8

Yehova a mapula ná baboledi bao ba be̱ bosangi

Bete̱sedi ba Loba ońola bosangi be si mombwea buka te̱ ńol’asu, mbo̱t’asu na ndabo asu. Be matapa pe̱ jowe̱ lasu, bedangwedi basu, name̱ne̱ pe̱ na mo̱nge̱le̱ masu.

JOKWA 9

“Ńa musonje mīla!”

Musonje mwe nde nje e, ne̱ni pe̱ jeno̱ ná di ńa mo̱ mīla e?

JOKWA 10

Diba—Jabea di mawe̱ na Loba

Nje ye ka minam mō̱ ma diba e? Ne̱ni weno̱ ná o po̱so̱ munj’ango̱ to̱ mom’ango̱ bwam e? Nje ye ná e bola ná diba di je pond’a bwaba e?

JOKWA 11

O ndabo a diba

Maba me̱se̱ ma be̱n pond’a bwam na pond’a bobe. To̱ mome na muto ba be̱n mitakisan minde̱ne̱ be ná bouse̱ diba labu.

JOKWA 12

Bolane̱ byala be “bwam ońola longisane̱”

Byala be ná be bola bwam jita nde be pe̱ ná be bwese̱ ndutu jita. Yehova a malee̱ biso̱ ne̱ni bolane̱ di jabea o ńai a bwam.

JOKWA 13

Mo̱ ngando ye̱se̱ i do̱lisan Loba e?

Ngando na mińa minde̱ne̱ ba be̱n epol’a mweńa o longe̱ la bato. Nje ye ná yongwane̱ biso̱ o so̱ṅtane̱ ne̱ni Yehova a me̱ne̱no̱ mo̱ e?

JOKWA 14

Be̱ mbale̱ o mambo me̱se̱

Jombweye matongo ma longe̱ mane̱i owe̱ni be̱ la mbale̱ leno̱ ná di be̱ ndutu jita, na minam di makusano̱ ke̱ di we̱li be̱ mbale̱.

JOKWA 15

Bwane̱ ebol’ango̱ muńe̱nge̱

Muweked’asu a mapula ná di bwane̱ nje di mabolano̱ muńe̱nge̱. Nje ye ná yongwane̱ biso̱ o bwane̱ ebol’asu muńe̱nge̱ e? Mo̱ pat’a bebolo kriste̱n yangame̱nno̱ banga ye e?