Jo̱nge̱le̱ la kwed’a Yesu
Mo̱su, 22 ma So̱ṅe̱ 2027
Ngedi po̱ o mbu te̱, Mboṅ a Yehova i mo̱nge̱le̱ kwed’a Yesu, ka nje te̱ anedino̱ ponda a kwalino̱ ná: “Benga bola nika o jo̱nge̱le̱ mba.”—Lukas 22:19.
Di mabele̱ wa na mbia mo̱ngo̱ o jukea o ni ndongame̱n.
Myuedi mi mabaisabe̱ ponda ye̱se̱
Nje ńe ná ńukea e?
Moto te̱ e ná ukea. We ná o po̱ na mbia mo̱ngo̱ o bele̱ pe̱ mako̱m mo̱ngo̱.
Ponda ininga ni ndongame̱n e mindano̱ e?
E minda lambo ka hawa po̱.
Owe̱ni e me̱nde̱no̱ tomba e?
Baise̱ Mboṅ a Yehova ye be̱be̱ na wuma o majano̱.
Mo̱ moto angame̱n sawa lambo ke̱ ukedi e?
Ke̱m.
Mo̱ njangi e me̱nde̱ sangabe̱ e?
Ke̱m. Di si masangise̱ njangi o ndongame̱n asu tom.—Mateo 10:8.
Mo̱ e mapula bebo̱tedi ba tobotobo e?
Ke̱m. Nde, Mboṅ a Yehova i mapo̱ngo̱ miwe̱n o bo̱to̱ ńai ni malee̱le̱ edube ońola nin ndongame̱n a tobotobo.
Ne̱ni Jo̱nge̱le̱ la kwed’a Yesu di me̱nde̱no̱ tomba e?
Ekwali e membe̱ e me̱nde̱ tomba, yena e me̱nde̱ teleye̱ mweńa ma kwed’a Yesu na ne̱ni jeno̱ ná di tombwane̱ minam mi mawe̱ na nje Loba na Kristo ba bolino̱ ońol’asu. Ndongame̱n e me̱nde̱ botea na mwenge na muka, e me̱nde̱ pe̱ nde bo̱ mulemlem.
Ná o bate so̱ṅtane̱, ombwa tema “Ońola nje Mboṅ a Yehova i mabolise̱no̱ Da la Sango diwengisan na bene̱ bebasi e?”
Njika mińa Jo̱nge̱le̱ la kwed’a Yesu di me̱nde̱no̱ bolisabe̱ mimbu mi maye̱ e?
2027: Mo̱su, 22 ma So̱ṅe̱
2028: Eti, 9 ma Dibaba
2029: Ngisu, 29 ma So̱ṅe̱
We pe̠ ná o to̠ndo̠...
JO̱NGE̱LE̱
O̱nge̱le̱ kwed’a Yesu
Di mabele̱ bińo̱ na bokenju o jukea mwemba na biso̱ o din jako̱to̱ne̱ le tobotobo. O me̱nde̱ jokwa ne̱ni longe̱ la Yesu na kwed’ao beno̱ ná ba wanea wa tombwane̱.
ESSENTIAL BIBLE TEACHINGS
Ońola nje Yesu a wedino̱ e?
Bibe̱l e we̱le̱ kwed’a Yesu mweńa jita. Mo̱ kwed’ao e be̱n janda e?
