BEKASEDI Ebol’a bonasango be o bekasedi ye nde ná bongwane̱ wa. Son, sengane̱ babo̱, o bupe̱ bediedi babu jombwea te̱se̱ la mutoa, jingea na busa o wum’a jako̱to̱ne̱, bejedi, na mane̱ mambo mape̱pe̱.

DUBISE̱ Bejedi be tindabe̱ bate̱ mpuli o dubise̱ o epol’a mija ye oboso ba kwande̱ki, ke̱ bediedi be tuko nde. Bate̱ mpuli o dubise̱ bangame̱n ja oten oboso ná ekwal’a dubise̱ e mabotea idib’a Esabasu. Mō̱ ńabu te̱ angame̱n wana tawedi na bebo̱tedi bangame̱n ońola dubise̱.

MABEA MA WONJA Eyek’a mo̱ni e busisabe̱ o bwam ba boṅsane̱ bejedi ba bwam, belongisan ba jase̱ la doi, belongisan ba sinima, na jita la mambo mape̱pe̱ ma mabole̱ ná jako̱to̱ne̱ di be̱ lambo la muńe̱nge̱ na di mongwane̱ o bata sisea be̱be̱ na Yehova. Mabea mo̱ngo̱ ma wonja ma mongwane̱ o kudumane̱ man mabusise̱ na sue̱le̱ pe̱ ebol’a dikalo o wase ńe̱se̱. Ná o we̱le̱ bola jabea lo̱ngo̱, belimbi ba mabea ma wonja bena be membabe̱ na bo̱bise̱ la ńolo be we̱le̱be̱ o wuma na wuma. We pe̱ ná o bola mabea tongwea na internet o donate.jw.org. Mabea ma wonja me̱se̱ ma makasabe̱ na mulema mwe̱se̱. Dibe̱le̱ di Madie̱le̱ di matimbise̱le̱ bińo̱ masoma ońola sanga lańu la mulema o sue̱le̱ myam ma Janea.

JONGWANE̱ LABOSO Son, o si dimbea ná din jongwane̱ le nde buka te̱ ońola si senga la bwam l’epańpań.

MAMBO MA PIMBEDI NA MA SO̱BE̱ To̱ njika lambo di pimbedi langame̱n bolabe̱ o̱fis a mambo ma pimbedi na ma so̱be̱. O pimbise̱ te̱ lambo, ala o ni o̱fis o jemba nje ye yo̱ngo̱. Be pe̱ ná balane̱ bana ba pimbedi owo. Nde ná nika e s’e̱ne̱ne̱, son, bińo̱ be̱ epe̱ńe̱ o tata bana bańu.

BEJEDI Son, jo̱nge̱le̱ pe̱ bane̱. Di si dimbea ná je nde ná di kombe̱ bejedi buka te̱ ońola belongi basu ba mbia ba batabata na ba bena ba po̱i mwemba na biso̱ o mutoa mō̱, ba be o ndabo po̱ na biso̱, to̱ bena be o jokwe̱ Bibe̱l na biso̱. Son, di si we̱le̱ to̱ lambo omo̱ń a bejedi bena di si kombe̱ye̱no̱ moto.

BATE̱ MPULI OŃOL’EBOLO O be̱n te̱ ńo̱ngi o sue̱le̱ bebolo be o bolabe̱ ońola jako̱to̱ne̱, son, ala o o̱fis a bate̱ mpuli ońol’ebolo.

Esukul’a Bate̱ Dikalo la Janea Paonia i be̱n oteten a 23 ma mbu na 65 yena i be̱n ńo̱ngi o lańse̱ ebol’abu ya dikalo i belabe̱ o jukea o ndongame̱n a ba bena ba be̱n ńo̱ngi o te̱ mpuli ońola Esukul’a Bate̱ Dikalo la Janea mwese ma Eti. Epolo na pond’a nin ndongame̱n ba me̱nde̱ bolabe̱ bińo̱ o pond’a mibia.