Jo̱nge̱le̱ ońola jokwa
Okwa byala ba “myenge masu” na mulema
“Mińa mena na pungwedino̱, Yehova a membe̱ mba tongwea na myenge ma JW Elimb’a Bedinge̱dinge̱.”—Lorraine, Amerika.
Botea pond’a kwaṅ, kriste̱n i masesa Loba na myenge. (Kol. 3:16) Woko te̱ byala ba mi myenge na mulema, me ná mongwane̱ wa ponda o si be̱nno̱ kalat’a myenge to̱ tafe̱l to̱ telefon. Keka bupe̱ man malea, me ná mongwane̱ wa o bia byala ba myenge masu.
No̱ngo̱ ponda o langa byala ba mwenge ná o so̱ṅtane̱ mo̱. O so̱ṅtane̱ te̱ lambo, we ná wo̱nge̱le̱ mo̱ na bo̱bise̱ la ńolo. Byala ba myenge masu me̱se̱, name̱ne̱ pe̱ na myenge ma bana, be maso̱be̱ o jw.org. Ala o Ko̱bat’a kalati, denge̱ o Musiki.
Tila byala o dipapa. Nik’e me̱nde̱ bata jongwane̱ wa o jo̱nge̱le̱ be byala.—Ndim. 17:18.
Lo̱ngo̱ na doi la mo̱ń. Langa byala to̱ lo̱ngo̱ mwenge ngedi jita.
Keka o jo̱nge̱le̱ byala. Keka o jo̱nge̱le̱ byala ba mwenge esibe̱ jombwa dipapa, nde o bakise̱ ombusa ponda nga o tongwe̱le̱.
