Je te̱ boṅsane̱ ońola jokwa, je ná di baise̱ biso̱me̱ne̱ ná : ‘Nje neno̱ pula jokwa e?’ Nde, di s’esele̱ ná jokwa la mambo ma peńa, di bole ná di dimbeye nje Yehova eno̱ jokwe̱le̱ biso̱ tatan. Ne̱ni jeno̱ ná jokwa na janda la so̱ mambo ma peńa e?

Kane̱ ná o be̱ne̱ dibie̱. Kane̱ Yehova ná ongwane̱ wa ná o so̱ṅtane̱ nje a mapulano̱ ná wokwe tatan. (Yak. 1:5) O si se̱me̱ye o so̱ṅtane̱ lo̱ngo̱ la kwaṅ.—Min. 3:5, 6.

Lakisane̱ ngiń’a Bibe̱l. “Eyal’a Loba ye longe̱.” (Bon. 4:12) Eyal’a Loba, ye “longe̱” ye ná e be̱ne̱ ngińa omo̱ń asu ponda te̱ di malangano̱ mo̱—nde buka te̱ yete̱na di mapula jokwa mambo ma peńa na busane̱ tombwane̱ o nje di langino̱.

Bwane̱ nje ye̱se̱ ye o tebed’a Yehova muńe̱nge̱. Da lao la mudī le nde ka “ndema la mapo̱ko̱.” (Yes. 25:6) O si banga langa mambo mena o mo̱nge̱le̱no̱ ná o si me̱nde̱ bwane̱ muńe̱nge̱. O me̱nde̱ busane̱ tombwane̱, o bwane̱ pe̱ da la mudī Loba a mabolano̱ biso̱ muńe̱nge̱!