Beboledi b’esoka

To provide you with the best possible experience, we use cookies and similar technologies. Some cookies are necessary to make our website work and cannot be refused. You can accept or decline the use of additional cookies, which we use only to improve your experience. None of this data will ever be sold or used for marketing. To learn more, read the Global Policy on Use of Cookies and Similar Technologies. You can customize your settings at any time by going to Privacy Settings.

Ala o mambo mena me

Ala o ebambu a mongo

LONGE̱ LA KRISTE̱N

Bata be̱ jangwa o dikalo​—Bolane̱ la myuedi o ńai a bwam

Bata be̱ jangwa o dikalo​—Bolane̱ la myuedi o ńai a bwam

OŃOLA NJE NIKA ŃENO̱ MWEŃA: Yete̱na “mwano [to̱so̱ mo̱nge̱le̱] ma moto me nde ka munja ma njiba,” ke̱ myuedi me nde ka etoan e mongwane̱ o toa mo̱. (Min 20:5) Myuedi mi mongwane̱ o bola ná basengane̱ biso̱ ba no̱nge dongo o ekwali. Malabe̱ ma myuedi mi po̱so̱be̱ bwam ma mongwane̱ ponda ye̱se̱ o so̱ṅtane̱ jo̱nge̱le̱ la mot’asu ń’ekwali. Yesu a bolane̱ myuedi o ńai a bwam. Ne̱ni jeno̱ ná jembilane̱ mo̱ e?

Yesu e o baise̱ mokwed’ao mō̱ myuedi

NE̱NI BOLA NIKA:

  • Baise̱ myuedi mi matute̱le̱ o bola jo̱nge̱le̱. Yesu a baise̱ bokwedi bao jita la myuedi ná a so̱ṅtane̱ jo̱nge̱le̱ labu. (Mt 16:13-16; be 238 § 3-5) Njika myuedi mi matute̱le̱ o bola jo̱nge̱le̱ weno̱ ná o baise̱ e?

  • Baise̱ myuedi mi madie̱le̱ o so̱ jalabe̱. Ná a te̱se̱ jo̱nge̱le̱ la Petro, Yesu a baise̱ mo̱ myuedi, a bola pe̱ mo̱ ńai na ńai a malabe̱ ma die̱le̱ Petro ná a po̱ o so̱ṅtane̱ la bwam. (Mt 17:24-26) Njika myuedi mi madie̱le̱ o so̱ jalabe̱ weno̱ ná o baise̱ moto o jongwane̱ mo̱ po̱ o so̱ṅtane̱ la bwam e?

  • Sesa mot’ango̱ ń’ekwali. Yesu a sesi mubied’a kalat’a Loba ‘ńalabe̱ na dibie̱.’ (Mr 12:34) Ne̱ni weno̱ ná o sesa moto ńalabe̱ myuedi e?

OMBWA DONGO LABOSO LA SINIMA BOLA EBOLO YESU A BOLINO̱​—OKWE̱LE̱, DENGE̱ O MALABE̱ MIN MYUEDI:

  • Ońola nje nika ńeno̱ eyembilan a mbad’a jokwe̱le̱ ni s’ou, to̱ná belēdi be te̱nge̱nno̱ e?

  • Ońola nje di s’angame̱nno̱ bola beteledi buka te̱ e?

OMBWA DONGO DI LONDE̱ MABA LA SINIMA, DENGE̱ O MALABE̱ MIN MYUEDI:

  • Ne̱ni nu munasango a bolane̱no̱ myuedi ńai a bwam e?

  • Njika mbad’ao ya jokwe̱le̱ ipe̱pe̱ jeno̱ ná jembilane̱ e?

Moto mulema mu yukino̱ ponda okwabe̱le̱no̱ bobe; moto nu so̱ṅtane̱ mbale̱ ponda okwabe̱le̱no̱ bwam

Ne̱ni belēdi basu be matapano̱ bane̱ e? (Lu 24:32)