Pasa ńaboso e ta tobotobo. Ombusa Farao so̱ṅtane̱ bo bulu ná munao a máwo̱, a kwalane̱ Mose ná: “Bińo̱ te̱me̱, lasumwe̱ na bona bam, bińo̱ na bana ba Israel; ala, bolea Yehova, kana lo kwalino̱.” (Bbu 12:31) Yehova a lee̱le̱ ná a matata tumba lao.

Myango ma tumba la Yehova ma nin pond’asu mi malee̱ ná bwē ná Yehova a dia te̱ nde e o die̱le̱ na tata baboledi bao. Epol’ekotedi o mulopo m’ebolo e mabonde̱ nika na nin tema ná “Tumba ońola dina la Yehova.”

OMBWA SINIMA PE̱PE̱LE̱ LA NDABO EKOTEDI ŃA WARWICK: “TUMBA OŃOLA DINA LA YEHOVA,” NDE WALABE̱ MIN MYUEDI:

• Njik’elongisan a bedinge̱dinge̱ e lati pe̱ na bosenga bokwedi ba Bibe̱l ba bolane̱no̱ o bebotedi ba mbu 1914 o jouse̱ dube̱ e, njika bwam nika e wanno̱ pe̱ e?

• Nje e ta ka mitakisan o mbu 1916 na o mbu 1918 e, nje pe̱ e lee̱ ná bwē ná Yehova a ta a die̱le̱ bebokedi e?

• Ne̱ni baboledi ba Yehova ba we̱lino̱ jalea dube̱ labu ná kaṅ to̱ na mitakisan e?

• Njika so̱ṅtane̱ la peńa tumba la Yehova di kusino̱ o mbu 1935 e, ne̱ni nika ńembe̱no̱ pe̱ bonasango e?

• Yete̱na o mápe̱pe̱le̱ yen epol’ekotedi, njika mambo we̱nno̱ membe̱ dube̱ lo̱ngo̱ ná Yehova a madie̱le̱, a matata pe̱ tumba lao e?