LONGE̱ LA KRISTE̱N
Nje ye jo̱nge̱le̱ la Yehova e?
Oboso ná di mano̱ngo̱ bedomsedi, besadi to̱ bende̱ne̱, mo̱ di yo̱ki baise̱ biso̱me̱ne̱ ná ‘Nje ye jo̱nge̱le̱ la Yehova e?’ To̱ná di si me̱nde̱no̱ bo̱le̱ bia mo̱nge̱le̱ ma Yehova, a langwedi biso̱ mambo jita o Eyal’ao ná di be̱ ńai ni dongame̱n “ońol’ebol’a bwam te̱.” (2Ti 3:16, 17; Ro 11:33, 34) Yesu a so̱ṅtane̱ jemea la Yehova ná te̱ite̱i, a we̱le̱ pe̱ mo̱ o epol’a boso o longe̱ lao. (Yoh 4:34) Ka Yesu, di bole me̱se̱ ná di no̱nge bedomsedi be mado̱lisane̱ Yehova.—Yoh 8:28, 29; Efe 5:15-17.
OMBWA SINIMA BENGA WASA BIA NJE YE JEMEA LA YEHOVA (LEV 19:18), DENGE̱ O MALABE̱ MIN MYUEDI:
-
Ońola nje jangame̱nno̱ we̱le̱ bete̱sedi ba Bibe̱l o ebolo o longe̱ lasu e?
-
Njika bete̱sedi ba Bibe̱l jangame̱nno̱ bolane̱ ke̱ di mapo̱so̱ musiki e?
-
Njika bete̱sedi ba Bibe̱l jangame̱nno̱ bolane̱ ke̱ di mapo̱so̱ bebo̱tedi basu na po̱ngo̱ lasu la mulopo e?
-
O njika matongo mape̱pe̱ jangame̱nno̱ we̱le̱ bete̱sedi ba Bibe̱l o ebolo e?
-
Ne̱ni jeno̱ ná di ńaka o mbad’asu ńa so̱ṅtane̱ jemea la Yehova e?
Nje bedomsedi bam be malee̱no̱ ońola mulatako mam na Yehova e?
