Kana su la yen ebe̱yed’a mambo leno̱ be̱be̱, di menge̱le̱ ná mpungu, njo ni mabwesane̱ bo̱ngo̱ na bila ba bata be̱. (Bbī 6:4) Ne̱ni jeno̱ ná di boṅsane̱ ońola mitakisan nik’e me̱nde̱no̱ wana e?

• Boṅsane̱ o mbad’a mudī: Maka bete̱sedi na myango be o Bibe̱l ba mabole̱ ná o bate lakisane̱ Yehova na bebokedi bao, be mongwane̱ pe̱ wa ná o si no̱ngo̱ dongo o politik. (Min 12:5; jr-F 125-126 § 23-24) Ponda nin jangame̱nno̱ bata jouse̱ diko̱m lasu na bonasango o mwemba.—1Pe 4:7, 8

• Boṅsane̱ o mbad’eyobo: Te̱se̱ nje o bola yete̱na wangame̱n ja o ndabo ango̱ o be̱ne̱ pe̱ ekoted’a mambo ma longe̱ la buńa te̱. Te̱se̱ pe̱ nje o bola yete̱na wangame̱n busa o ndabo ango̱. Ombwea mambo me o mukuta mo̱ngo̱ ma jongise̱, o we̱le̱ pe̱ belongisan be matate̱ wa na diboa to̱ sese, na mo̱ni oten. Be̱ mbaki ná we ná o bele̱ batudu, babo̱ pe̱ be ná ba bele̱ wa.—Yes 32:2; g17.5-F 3-7

O pond’a mpungu, benga bupe̱ mambo ma mudī. (Fil 1:10) O s’asumwe̱ wuma o wala o epe̱pe̱, o sumo te̱ ke̱ we eto̱m o bola nika. (Mat 10:16) Abane̱ da lo̱ngo̱ na mambo ma longe̱ la buńa te̱ na bane̱.—Ro 12:13.

LEE̱ SINIMA MO̱ O MÁBOŃSANE̱ OŃOLA MBEU A ŃOLO E? DENGE̱ O MALABE̱ MYUEDI MI MABUPE̱:

• Ne̱ni Yehova eno̱ ná ongwane̱ biso̱ o ponda mbeu a ńolo e?

• Njika mambo jeno̱ ná di bola o boṅsane̱ ońola nika e?

• Ne̱ni jeno̱ ná jongwane̱ ba bena ba kusi mbeu a ńolo e?