Je̱ne̱ la tempe̱l la Hesekiel di mabīse̱ ná tumba la Yehova di me̱nde̱ bola mabea ma wonja. Ne̱ni mō̱ ńasu te̱ eno̱ ná a no̱ngo̱ dongo o bola mabea ma sesa e?​—Bon 13:15, 16.

Mbadi ni peti bwam po̱ ńe nde o bolea ka paonia ń’epas’a ponda. Mbu m’ebolo ma 2018 mu be̱n myo̱di jita mi be̱n mińa m’esabasu to̱ m’eti mitanu. Nik’e mongwane̱ tobotobo ba bena ba mabole̱ bebolo o pond’a mususu nde ba te̱ dikalo dongo dinde̱ne̱ o su la woki. Omo̱ń a nika, bate̱ dikalo be ná ba po̱so̱ e be̱ 30 to̱ 50 ma awa ba mabaise̱no̱ o myo̱di ma So̱ṅe̱ na Dibaba na o mo̱di ma pe̱pe̱le̱ la muboled’ebondo.

Nje bola yete̱na bete̱medi basu be si madie̱le̱ biso̱ o no̱ngo̱ dongo o ebol’a paonia ń’epas’a ponda e? Je ná di we̱ o benga do̱lise̱ ebol’asu ya dikalo, yen ebe di bata pe̱ na ponda di matombise̱no̱ oten. To̱ di be̱ so̱ nde o to̱ njika bete̱medi, ndolo di be̱ne̱ne̱no̱ Yehova e tute̱le̱ biso̱ o bola mo̱ mpete̱ masu o mbu m’ebolo ma 2018!​—Hos 14:2.

OMBWA SINIMA NA YEHOVA, NE NÁ NA BOLA TO̱ NJIKA LAMBO NDE, DENGE̱ O MALABE̱ MIN MYUEDI:

• Nje e tute̱le̱ Sabina o bata bolea Yehova e?

• Ne̱ni eyembilan a Sabina e membe̱no̱ wa e?

• O mbu m’ebolo má 2018, o njika mo̱di weno̱ ná o bolea ka paonia ń’epas’a ponda e?