Proverbio 29:1-27
29 Ang tawong gahig ulo* bisag kadaghan nang gibadlong+
Kalit rang malaglag ug wala nay paglaom.+
2 Kon daghan ang matarong, ang katawhan maglipay,Apan kon daotan ang magmando, ang katawhan mag-agulo.+
3 Ang tawo nga nahigugma sa kaalam makapalipay sa iyang amahan,+Apan ang nakig-uban sa mga pampam* nagwaldas sa iyang bahandi.+
4 Pinaagi sa hustisya ginapalig-on sa hari ang iyang nasod,+Apan malumpag kini kon ang usa nagapangayog hiphip.
5 Ang tawo nga nagaulog-ulog sa iyang isigkatawoNagbutang ug pukot sa iyang mga tiil.+
6 Ang kalapasan sa daotang tawo molit-ag niya,+Apan ang matarong maghugyaw sa kalipay ug magsadya.+
7 Ang matarong maghunahuna sa katungod sa mga pobre,+Apan ang daotan dili maghunahuna niana.+
8 Ang mga hambogiro makapasuko sa usa ka lungsod,+Apan ang mga maalamon makawala sa kasuko.+
9 Kon ang maalamon makiglantugi sa buangbuang,Mahitabo ang pagpaninghag ug pagyagayaga, ug kini walay kaayohan para sa maalamon.+
10 Ang mga tawong uhaw sa dugo nagdumot sa inosente,*+Ug gusto nilang patyon ang matul-id.*
11 Ipahungaw gyod sa buangbuang ang tanan niyang gibati,*+Apan ang maalamon kalmado ra pirme.+
12 Kon ang magmamando maminaw sa kabakakan,Ang tanan niyang alagad mahimong daotan.+
13 Mao ni ang kaamgiran sa* pobre ug tigdaogdaog:
Si Jehova naghatag ug kahayag sa ilang mga mata.*
14 Kon patas ang hari sa paghukom sa mga pobre,+Ang iyang trono magpabiling lig-on.+
15 Ang bunal* ug ang pagbadlong maghatag ug kaalam,+
Apan ang bata nga pasagdan ra maghatag ug kaulawan sa iyang inahan.
16 Dihang modaghan ang daotan, modaghan pod ang kalapasan,Apan makita sa mga matarong ang ilang pagkapukan.+
17 Disiplinaha ang imong anak ug hatagan ka niyag pahulay;Hatagan pod ka niyag dakong kalipay.+
18 Kon walay giya sa Diyos,* ang katawhan magpatuyang lang,+Apan malipayon kadtong nagtuman sa balaod.+
19 Ang sulugoon dili magpatul-id pinaagig mga pulong,Kay bisag nakasabot siya, dili siya mopatuo.+
20 Nakakita ba kag tawo nga mosulti dayon nga dili maghunahuna?+
Mas naa pay paglaom ang buangbuang kay kaniya.+
21 Kon ang sulugoon patuyangan sukad sa iyang pagkabatan-on,Mahimo siyang dili mapasalamaton sa ulahi.
22 Ang tawo nga daling masuko magpahinabog away;+Kadtong masuk-anon makahimog daghang kalapasan.+
23 Ang pagkamapahitas-on sa usa ka tawo maoy magpaubos niya,+Apan ang mapainubsanon makabaton ug himaya.+
24 Ang kauban sa kawatan nagdumot sa iyang kaugalingon.
Tingali makadungog siyag panawagan sa pagtestigo,* apan magpakahilom lang siya.+
25 Ang pagkahadlok sa tawo maoy lit-ag,+Apan ang nagsalig kang Jehova mapanalipdan.+
26 Daghan ang gustong moduol sa magmamando aron magpatabang,*Apan maangkon sa usa ka tawo ang hustisya gikan kang Jehova.+
27 Ang tawong naghimog inhustisya gidumtan sa matarong,+Apan ang tawong nagsubay sa pagkamatarong gidumtan sa daotan.+
Mga Footnote
^ O “nagpatikig sa liog.”
^ O “sa dili salawayon.”
^ O posible, “Apan gustong panalipdan sa matul-id ang iyang kinabuhi.”
^ Literal, “espiritu.”
^ Nagpasabot nga Iyang gihatagan silag kinabuhi.
^ Literal, “Nagtagbo ang.”
^ O “disiplina; silot.”
^ Literal, “walay panan-awon.”
^ O “panumpa nga may tunglo.”
^ O posible, “Daghan ang nagtinguha nga uyonan sa magmamando.”
