Proverbio 20:1-30
20 Ang bino mabiaybiayon,+ ang alkoholikong ilimnon dili mapugngan;+Kadtong masaag tungod niini dili maalamon.+
2 Ang pagkamakahahadlok sa hari samag ngulob sa leyon;*+Kadtong magpasuko niya mameligro ang kinabuhi.+
3 Dalayegon ang tawong molikay sa panaglalis,+Apan ang buangbuang moapil dayon niini.+
4 Ang tapolan dili magdaro sa tingtugnaw,Busa magpakilimos siya sa ting-ani kay wala man siyay iya.*+
5 Ang naa* sa kasingkasing sa usa ka tawo samag lawom nga katubigan,Apan ang tawong may katakos sa pag-ila maoy motimba niini.
6 Daghan ang mopahayag sa ilang maunongong gugma,Apan kinsay makakitag maunongong tawo?
7 Ang matarong naglakaw nga may integridad.+
Malipayon ang iyang mga anak* sunod kaniya.+
8 Dihang ang hari molingkod sa trono aron mohukom,+Salaon niya ang tanang daotan pinaagi sa iyang mga mata.+
9 Kinsay makaingon: “Gihinloan na nako ang akong kasingkasing;+Wala na koy sala”?+
10 Ang tikasan nga pangtimbang nga mga bato ug ang limbongan nga mga taksanan*—Kining duha dulumtanan kang Jehova.+
11 Bisan ang bata* mailhan tungod sa iyang binuhatan,Kon ang iya bang binuhatan matarong ug husto.+
12 Ang dalunggan nga makadungog ug ang mata nga makakita—Kining duha gibuhat ni Jehova.+
13 Ayaw pagsigeg katulog, kay mapobre ka.+
Bukha ang imong mga mata, ug matagbaw ka sa tinapay.+
14 “Di ni maayo, di ni maayo!” matod sa mipalit;Unya siya molakaw ug manghambog sa iyang kaugalingon.+
15 Naay bulawan, naa poy daghang korales,*Apan ang mga ngabil sa kahibalo bililhon kaayo.+
16 Kuhaa ang besti sa usa ka tawo kon naggarantiya siya sa utang sa usa ka estranyo;+Kuhaa ang iyang gigarantiya kon iya kanang gihimo para sa babayeng langyaw.*+
17 Ang tinapay nga nakuha pinaagig limbong lami kaayo para sa usa ka tawo,Apan human niana ang iyang baba mapunog graba.+
18 Pinaagi sa pagkonsulta,* ang mga plano molampos,*+Ug pinaagi sa maalamong giya* makiggubat ka.+
19 Ipanulti sa tigbutangbutang ang kompidensiyal nga mga butang;+Ayaw pakig-uban niadtong ganahang manabi.*
20 Kadtong manunglo sa iyang amahan ug inahan,Ang iyang lampara palongon kon ngitngit na.+
21 Ang panulondon nga nakuha sa kahakogDili mahimong panalangin sa ulahi.+
22 Ayaw pag-ingon: “Mobalos kog daotan!”+
Laom kang Jehova,+ ug luwason ka niya.+
23 Ang tikasan nga pangtimbang nga mga bato* dulumtanan kang Jehova,Ug ang limbongan nga mga timbangan dili maayo.
24 Ang mga lakang sa tawo gitultolan ni Jehova;+Unsaon man pagsabot sa tawo ang iyang dalan?*
25 Usa ka lit-ag kon ang tawo magdalidali sa pag-ingon, “Balaan!”+
Unya sa ulahi pa siya maghunahuna kon unsay iyang gipanaad.+
26 Salaon sa maalamong hari ang mga daotan+Ug paligiran silag panggiok nga ligid.+
27 Ang gininhawa sa tawo mao ang lampara ni Jehova,Nga nagasusi sa iyang kinasulorang pagkatawo.
28 Ang maunongong gugma ug pagkamatinumanon manalipod sa hari;+Pinaagi sa maunongong gugma magdugay siya sa iyang trono.+
29 Ang himaya sa mga batan-on mao ang ilang kusog,+Ug ang kahalangdon sa mga tigulang mao ang ilang pagkaubanon.+
30 Ang mga bun-og ug samad maoy magtangtang sa pagkadaotan,+Ug ang mga pagbunal maghinlo sa kinasulorang pagkatawo.
Mga Footnote
^ O “may lambungay nga batang leyon.”
^ O posible, “Sa ting-ani mangita siya apan walay makit-an.”
^ O “mga intensiyon.” Literal, “tambag.”
^ Literal, “mga anak nga lalaki.”
^ O “Ang duha ka managlahing pangtimbang nga bato ug duha ka managlahing taksanan.”
^ O “batang lalaki.”
^ O “sa langyaw.”
^ O “tambag.”
^ O “malig-on.”
^ O “pagtultol.”
^ O “niadtong mangdani pinaagi sa iyang mga ngabil.”
^ O “Ang duha ka managlahing pangtimbang nga bato.”
^ O “kon unsang dalana ang subayon?”
