Mababasa sa Pagsiyasat sa Kasuratan Aroaldaw an sarong espesipikong teksto sa Bibliya para sa kada aldaw, pati na an komento para sa tekstong iyan. Matatabangan ka kan publikasyon na ini na magkaigwa nin positibo saka nakakapakusog na mga kaisipan manungod sa mga tema sa Bibliya sa kapinunan pa sana kan aldaw.

Dawa ngani puwedeng basahon ano man na oras an teksto saka an komento, nahiling kan dakul na mas kapaki-pakinabang an pagbasa kaiyan pag aga. Huli kaya kaiyan, puwede nindang hurop-hurupon sa bilog na aldaw an mga nabasa ninda. Kun igwa ka nin pamilya, makikinabang man kamo sa iribang pagkonsiderar kan teksto sa aldaw.

Puwede mong mabasa an teksto para sa aldaw sa Watchtower ONLINE NA LIBRARYA, o puwede mo man i-download an PDF file kan mga teksto para sa bilog na taon na kapareho an format kan imprentadong edisyon kaiyan.