May mga bagay na puwedeng mangyari sato na dai ta inaasahan huling nabubuhay kita sa panahon na daing kasiguraduhan. Pero, an kaugmahan ta dai nakadepende sa sitwasyon ta kundi sa pananaw ta diyan. Sinasabi kan Bibliya na “an maugmang tawo pirming ikinakaugma an buhay” dawa may inaagihan siyang mga problema. (Talinhaga 15:15, Good News Translation) Ano an puwede tang gibuhon para magin mas maugma kita? Pag-isipan kun paano ka matatabangan kan Bibliya.

 Sinasabi kan Bibliya: “An kahaditan sa puso nin tawo iyo an nakakapagabat diyan, pero an marahay na tataramon iyo an nakakapagaya-gaya kaiyan.”—Talinhaga 12:25.

•   Makakatabang saimo an Bibliya na dai sobrang magparahadit. Paano? Basahon an artikulong “Ang Sinasabi ng Bibliya Tungkol sa Kabalisahan.”

 Sinasabi kan Bibliya: “An tunay na amigo nagpapahiling nin pagkamuot sa gabos na panahon asin sarong tugang na namumundag sa mga panahon nin kasakitan.”—Talinhaga 17:17.

•   Igwang sadol an Bibliya na makakatabang saimo na malabanan an pakamati na nagsosolo ka. Magigibo mo iyan paagi sa dayupot na pakikiamigo sa iba. Basahon an artikulong “Labanan an Pakamati na Nagsosolo Paagi sa Pakikiamigo—Kun Paano Makakatabang an Bibliya.”

 Sinasabi kan Bibliya: “Kamutan mo si Jehova na saimong Diyos sa bilog mong puso asin sa bilog mong kalag saka sa bilog mong isip. . . . Kamutan mo an saimong kapwa nin siring sa saimong sadiri.” a—Mateo 22:37-39.

•   An pamibi makakatabang sa sato na mas magrarom an satong pagkamuot sa Diyos. Paano mo iyan magigibo? Basahon an artikulong “Dinadangog Daw nin Diyos an Satong mga Pamibi?”

•   Ipinapahiling ta an pagkamuot ta sa iba paagi sa pagsunod sa Golden Rule. Ano iyan? Basahon an artikulong “Ano ang Gintong Tuntunin?”

 Dawa nabubuhay kita sa panahon na daing kasiguraduhan, matatabangan ka kan Bibliya na magin maugma. Paano? Dinadagka mi ika na purbaran an samong libreng interactive na pag-adal sa Bibliya.