Kan Hulyo 2022, naireport an pinakamainit na temperatura sa manlain-lain na parte kan kinaban:

•   “Nagpaluwas an China nin pinakahalangkaw na heat alert sa haros 70 siyudad dahil sa ikaduwang heat wave ngunyan na bulan.”—Hulyo 25, 2022, CNN Wire Service.

•   “Nagkaigwa nin mga kasulo sa kadlagan sa dakul na lugar sa Europa dahil sa sobrang init nin panahon na dara nin heat wave.”—Hulyo 17, 2022, The Guardian.

•   “Kan Domingo, dakul na siyudad sa Estados Unidos an nakarekord nin pinakahalangkaw na temperatura dahil sa pagtama nin summer heat wave sa East Coast asin sa dakul na parte kan South saka Midwest.”—Hulyo 24, 2022, The New York Times.

 Ano an buot sabihon kan gabos na ini? Maabot daw an panahon na magigin imposible nang mabuhay digdi sa daga? Ano an sinasabi kan Bibliya?

 Iyo. An mga heat wave sa bilog na kinaban kauyon kan mga pangyayari na ihinula kan Bibliya na mangyayari sa satong panahon. Halimbawa, ihinula ni Jesus na makakahiling kita nin mga “makatatakot na pangyayari.” (Lucas 21:11, An Banal na Biblia) Dahil sa paglangkaw kan temperatura sa bilog na kinaban, dakul na tawo an natatakot na mararaot na an daga huli sa kagigibuhan nin tawo.

 Dai. Linalang nin Diyos an daga para magin permanenteng istaran nin tawo. (Salmo 115:16; Eclesiastes 1:4) Imbes na tugutan an mga tawo na rauton iyan, ‘lalaglagon niya idtong mga nagraraot kan daga,’ arog kan ipinanuga niya.—Kapahayagan 11:18.

 Pag-isipan an duwang propesiya na nagpapahiling kun ano pa an ibang ipinanuga nin Diyos:

•   “An disyertong kapatagan magigin maugma asin mamumurak arog kan azafran.” (Isaias 35:1) Dai itutugot nin Diyos na magin disyerto an daga na mayo nin nabubuhay, imbes papakarhayon niya an naraot na mga lugar.

•   “Inaataman mo an daga, ginigibo mo iyan na magin abunda sa bunga asin matabang marhay.” (Salmo 65:9) Paagi sa pagbendisyon nin Diyos, an daga magigin paraiso.

 Para mas maaraman pa an manungod sa kun paano an climate change kautuban nin hula sa Bibliya, basahon an artikulong “Climate Change at ang Kinabukasan Natin—Ano ang Sinasabi ng Bibliya?”

 Para mas maaraman pa an manungod sa pangako kan Bibliya na papakarhayon an kapalibutan, hilingon an artikulong “Siisay an Makakapagligtas kan Daga?”