Kan si Jesus yaon digdi sa daga, nagpahiling siya nin dakulang pagkamuot sa mga tawo, lalo na sa mga pobre asin mga nagsasakit. (Mateo 9:36) Isinakripisyo pa ngani niya an saiyang buhay para sa kapakinabangan kan iba. (Mateo 20:28; Juan 15:13) Sa dai na mahahaloy, papatunayan niya giraray an saiyang pagkamuot sa mga tawo paagi sa paggamit kan saiyang awtoridad asin kapangyarihan bilang Hadi kan Kahadian nin Diyos para halion an pagtios sa bilog na daga.

 Magayon na mga tataramon an ginamit kan Bibliya para iladawan kun ano an gigibuhon ni Jesus:

•    “Lugod na idepensa niya an mga hamak sa banwaan, lugod na iligtas niya an mga aki kan dukha.”—Salmo 72:4.

 Paano ta maipapahiling an satuyang pasasalamat sa gabos na ginibo asin gigibuhon pa ni Jesus para sa sato? Sa Lucas 22:19, sinabi ni Jesus sa mga parasunod niya na girumdumon an saiyang kagadanan. Iyan an dahilan kaya kada taon, sa anibersaryo kan saiyang kagadanan, nagtitiripon an mga Saksi ni Jehova. Iniimbitaran mi ika na umiba samo sa pagselebrar kan Memoryal kan kagadanan ni Jesus sa aldaw nin Domingo, Marso 24, 2024.

Humanap nin Memoryal