AN SABI KAN IBA simbolo iyan kan paghadi nin Diyos sa puso nin saro; para man sa iba resulta iyan kan paghihinguwa kan mga tawo na gibuhon na matuninong asin nagkakasararo an bilog na kinaban. Ano sa hiling mo?

AN SABI KAN BIBLIYA

‘Mapatindog an Diyos sa langit nin sarong kahadian na dai nuarin man malalaglag. Iyan an matipak asin maubos kan gabos na ining mga kahadian.’ (Daniel 2:44) An Kahadian nin Diyos sarong tunay na gobyerno.

ANO PA AN MANUNUDAN TA SA BIBLIYA?

• An Kahadian nin Diyos mamamahala hali sa langit.—Mateo 10:7; Lucas 10:9.

• Gagamiton nin Diyos an Kahadian tanganing magibo an saiyang kabutan sa langit asin sa daga.—Mateo 6:10.

ANO AN ISISIMBAG MO?

• Mayong nakakaaram

• Madali na

• Dai maabot

AN SABI KAN BIBLIYA

‘Ining ebanghelyo nin Kahadian ihuhulit sa bilog na kinaban sa pagpapatotoo sa gabos na nasyon, dangan madatong an katapusan.’ (Mateo 24:14) Pag lubos nang naihulit an maugmang bareta, maabot an Kahadian tanganing tapuson an presenteng maraot na sistema.

ANO PA AN MANUNUDAN TA SA BIBLIYA?

• Mayo nin siisay man sa daga an nakakaaram kun nuarin eksaktong maabot an Kahadian nin Diyos.—Mateo 24:36.

• Ipinapahiling kan hula sa Bibliya na madali nang mag-abot an Kahadian.—Mateo 24:3, 7, 12.