PAGPUON NIN PAKIKIPAG-ULAY
LEKSIYON 4
Kapakumbabaan
Prinsipyo: “May kapakumbabaan nindong ibilang an iba na mas urog kisa saindo.”—Fil. 2:3.
Kun Ano an Ginibo ni Pablo
1. Hilingon an VIDEO, o basahon an Gibo 26:2, 3. Dangan pag-isipan an minasunod na mga hapot:
-
Paano ipinahiling ni Pablo an kapakumbabaan sa pakikipag-ulay niya ki Hading Agripa?
-
Ano an ginibo ni Pablo tanganing an saiyang mensahe maipokus bako sa sadiri niya kundi ki Jehova saka sa Kasuratan?—Hilingon an Gibo 26:22.
Ano an Manunudan Ta ki Pablo?
2. Mas nagigin kaakit-akit an satong mensahe pag ipinapakipag-ulay ta iyan sa mapakumbaba asin magalang na paagi.
Arugon si Pablo
3. Magin mapakumbaba. Likayan na magtao nin impresyon na aram mo an gabos asin na mayong aram an kaulay mo. Magpahiling nin respeto sa paagi mo nin pakikipag-ulay.
4. Linawon na hali sa Bibliya an mga katotoohan na ihinihiras mo. An Tataramon nin Diyos igwa nin mga kaisipan na nakakapahiro sa puso nin mga tawo. Pag ginamit ta iyan, ilinalatag ta an saindang pagtubod sa tamang pundasyon.
5. Magdanay na kalmado. Dai iinsistir na ika an tama. Habo tang makipag-argumento. Magpahiling nin kapakumbabaan paagi sa pagdanay na kalmado asin pag-aram kun nuarin dapat nang maghali. (Tal. 17:14; Tito 3:2) An mahuyong simbag puwedeng magbukas nin dalan para sa marahay na pakikipag-ulay sa sunod.
