KABTANG 13
Ano an Dapat Tang Gibuhon Tanganing Mapaugma an Diyos?
Dai maggibo nin maraot. 1 Corinto 6:9, 10
Kun namumutan niyato si Jehova, dai kita magibo nin mga bagay na ikinakaanggot niya.
Habo ni Jehova na maghabon kita, magburat, o magdroga.
Ikinakaungis nin Diyos an paggadan, aborsiyon, asin homoseksuwalidad. Habo niya na magin mahanab kita o na makiiwal sa iba.
Dai kita dapat magsamba sa mga idolo o maggibo nin espiritismo.
Dai tutugutan na mabuhay sa Paraisong daga an mga naggigibo nin maraot.
Gibuhon kun ano an marahay. Mateo 7:12
Tanganing mapaugma an Diyos, dapat tang hinguwahon na arugon siya.
Magpahiling nin pagkamuot sa iba paagi sa pagigin mabuot asin matinao.
Magin onesto.
Magin mahihirakon asin mapagpatawad.
Sabihon sa iba an manungod ki Jehova asin an mga pamantayan niya.—Isaias 43:10.
Puwede Mo Man Magustuhan
MAHALAGANG MGA TUKDO KAN BIBLIYA
Inaako Daw nin Diyos an Gabos na Paagi nin Pagsamba?
Dakul an nagtutubod na bakong mahalaga kun anong relihiyon an pipilion mo.
MANUNGOD SAMO
Ta’no ta Kaipuhan Mag-adal nin Bibliya?
Sinisimbag kan Bibliya an importanteng mga hapot sa buhay kan minilyon na tawo sa bilog na kinaban. Gusto mo daw magin saro sa sainda?
