Oktubre 7-13
SALMO 92-95
Kanta 84 Asin Pamibi | Introduksiyon (1 min.)
1. An Paglilingkod ki Jehova Iyo an Pinakamarahay na Paagi nin Pamumuhay!
(10 min.)
Maninigo si Jehova sa satong pagsamba (Sal 92:1, 4; w18.04 26 ¶5)
Tinatabangan niya an saiyang mga lingkod na makagibo nin mga desisyon asin magin maugma (Sal 92:5; w18.11 20 ¶8)
Pinapahalagahan niya an mga naglilingkod sa saiya maski ngani gurang na sinda (Sal 92:12-15; w20.01 19 ¶18)
HAPUTON AN SADIRI, ‘Ano an nakakapugol sa sako na idusay an sakong sadiri ki Jehova asin magpabawtismo?’
2. Espirituwal na Kayamanan
(10 min.)
-
Sal 92:5—Paano malinaw na ilinaladawan kan mga tataramon na ini an kadunungan ni Jehova? (cl 211 ¶18)
-
Anong espirituwal na mga kayamanan sa babasahon sa Bibliya sa semanang ini an gusto mong ihiras?
3. Pagbasa sa Bibliya
(4 min.) Sal 94:1-23 (th leksiyon 5)
4. Pagpuon nin Pakikipag-ulay
(4 min.) IMPORMAL NA PAGPAPATOTOO. Gumibo nin paagi para masabi mo sa kaulay mo an manungod sa ginigibo mong pagtutukdo sa Bibliya. (lmd leksiyon 5 punto 3)
5. Pagdalaw Liwat
(3 min.) IMPORMAL NA PAGPAPATOTOO. Mag-alok nin pag-adal sa Bibliya sa sarong interesado na nagsayuma dati na magpa-study. (lmd leksiyon 8 punto 4)
6. Paggibo nin mga Disipulo
(5 min.) Pakikipag-ulay sa sarong tinutukduan sa Bibliya na dai nag-uuswag. (lmd leksiyon 12 punto 5)
Kanta 5
7. Pag Napapangibabawan nin mga Kahaditan an mga Hoben
(15 min.) Pagtukar.
An mga naglilingkod ki Jehova nakakaeksperyensiya man nin mga kahaditan. Halimbawa, dakul na beses na nakamati nin kahaditan si David sa saiyang buhay, asin arog man kaiyan an naeeksperyensiyahan kan dakul sa satong mga tugang ngunyan. (Sal 13:2; 139:23) Makamumundo, pati ngani an mga hoben apektado man kaiyan. Kun minsan, pag nahahadit sinda garo baga nagigin masakit gibuhon an mga aktibidad na parati nindang ginigibo, arog kan pagklase o pag-atender sa mga pagtiripon kan kongregasyon. Puwede pa ngani iyan magin dahilan nin mga panic attack o na maisip ninda an paghugot.
Mga hoben, kun napapangibabawan na kamo nin mga kahaditan, makipag-ulay sa saimong mga magurang o sa sarong maygurang na adulto. Dapat man kamong mamibi ki Jehova para hagadon an tabang niya. (Flp 4:6) Tatabangan niya kamo. (Sal 94:17-19; Isa 41:10) Pag-isipan an halimbawa ni Steing.
I-play an VIDEO na Nagmamalasakit sa Sako si Jehova. Dangan ihapot:
• Anong teksto sa Bibliya an nakatabang ki Steing, asin taano?
• Paano si Jehova nagmalasakit sa saiya?
Mga magurang, matatabangan nindo an saindong mga aki na makayanan an mga kahaditan paagi sa mapasensiyang pagdangog sa sainda, pagpahayag kan saindong pagkamuot sa sainda, asin pagtabang sa sainda na magkaigwa nin pagtitiwala sa pagkamuot ni Jehova. (Tit 2:4; San 1:19) Magsarig ki Jehova para maitao niya sa saindo an karangahan asin kusog na kaipuhan nindo tanganing tabangan an saindong mga aki.
Tibaad dai ta aram kun siisay sa kongregasyon an nag-aagi nin grabeng kahaditan o dai ta masabutan kun ano an namamati ninda. Pero, makakatabang kita kun ipapamati ta sa gabos na parte sinda kan kongregasyon asin namumutan ta sinda.—Tal 12:25; Heb 10:24.
8. Pag-adal sa Bibliya kan Kongregasyon
(30 min.) bt kap. 16 ¶6-9, kahon sa p. 150
