An inaakong mga pamibi garo idtong mahamuton na insenso na regular na pigtututong sa atubangan ni Jehova sa templo. (Sal 141:2) Pag ipinapahayag ta sa satong Ama sa langit an pagkamuot asin pasasalamat ta sa saiya, pag sinasabi ta sa saiya an satong mga ikinakahadit saka minamawot, asin pag naghahagad kita sa saiya nin paggiya, ipinapahiling niyato na pinapahalagahan ta an satong pakikiamigo sa saiya. Siyempre, ibinibilang ni Jehova na mahalagang kabtang kan satong pagsamba an halipot na mga pampublikong pamibi sa satong mga pagtiripon. Alagad, nauugma nanggad si Jehova pag binubuksan ta an satong puso asin nakikipag-ulay kita sa saiya nin mas halawig sa satong personal na mga pamibi!—Tal 15:8.

HILINGON AN VIDEO NA DAKUL NA PANAHON AN ITINATAO KO SA PAGPAMIBI, DANGAN SIMBAGON AN MINASUNOD NA MGA HAPOT:

• Anong mga pribilehiyo an naako ni Brother Johnson?

• Paano si Brother Johnson nagsarig ki Jehova sa pamibi?

• Ano an nanudan mo sa eksperyensiya ni Brother Johnson?