KAYAMANAN NA YAON SA TATARAMON NIN DIYOS | EXODO 6-7
‘Mahihiling Mo Ngunyan an Gigibuhon Ko ki Faraon’
Bago ipaabot ni Jehova an mga damat sa Ehipto asin patalingkason an mga Israelita sa pagkauripon, sinabi niya sa mga Israelita kun ano an gigibuhon niya. Mahihiling ninda an makangangalas na kapangyarihan ni Jehova sa paaging dai pa lamang ninda nahiling kaidto, asin mamimidbid nanggad kan mga Ehipsiyo kun siisay si Jehova. Kan nautob an mga panuga nin Diyos, napakusog an pagtubod kan mga Israelita. Nakatabang ini sa sainda na labanan an impluwensiya kan palsong relihiyon sa Ehipto na diyan haloy sindang nabantad.
Paano an istoryang ini sa Bibliya nakapakusog kan pagtubod mo na an mga panuga nin Diyos sa maabot talagang mauutob?
