Kun may maghapot saimo kun taano ta nagtutubod ka na linalang nin Diyos an gabos na bagay, ano an sasabihon mo? Para makasimbag nin may kumpiyansa, kaipuhan mong gibuhon an duwang bagay: Inot, patunayan sa sadiri mo na talagang linalang nin Diyos an gabos na bagay. (Ro 12:1, 2) Dangan, pag-isipan kun paano mo ipapaliwanag sa iba an saimong pagtubod.—Tal 15:28.

HILINGON AN VIDEO NA AN PAGTUBOD KAN SARONG ORTHOPEDIC SURGEON ASIN AN PAGTUBOD KAN SARONG ZOOLOGIST PARA MAHILING AN MGA DAHILAN KAN IBA KUN TAANO TA NAGTUTUBOD SINDA NA LINALANG NIN DIYOS AN GABOS NA BAGAY, DANGAN SIMBAGON AN MINASUNOD NA MGA HAPOT:

• Taano ta nagtutubod si Irène Hof Laurenceau sa paglalang imbes na sa ebolusyon?

• Taano ta nagtutubod si Yaroslav Dovhanych sa paglalang imbes na sa ebolusyon?

• Paano mo ipapaliwanag sa iba kun taano ta nagtutubod ka sa paglalang?

• Anong mga reperensiya hali sa organisasyon ni Jehova an makukua sa saimong lengguwahe para tabangan kang mapatunayan sa sadiri mo asin sa iba na linalang nin Diyos an gabos na bagay?