Mikas 4:1-13
4 Sa huring kabtang kan mga aldaw,*An bukid kan harong ni Jehova+Marigon na maeestablisar na halangkaw pa sa alituktok kan mga bukid,Asin ilalangkaw iyan nin mas halangkaw pa sa mga bulod,Asin mapasiring diyan nin burunyog an mga banwaan.+
2 Asin dakul na nasyon an maduruman asin masarabi:
“Madya kamo, magturukad kita sa bukid ni JehovaAsin sa harong kan Diyos ni Jacob.+
Tutukduan niya kita manungod sa saiyang mga dalan,Asin maralakaw kita sa saiyang mga agihan.”
Huling an katugunan* maluwas hali sa Sion,Asin an tataramon ni Jehova hali sa Jerusalem.
3 Mahusgar siya sa dakul na banwaan+Asin huhusayon* niya an mga bagay-bagay may koneksiyon sa makukusog saka hararayong mga nasyon.
Pupulpugon ninda an saindang mga espada tanganing magin mga tarom nin aradoAsin an saindang mga garod* tanganing magin mga pantakras na kagot.+
An nasyon dai na mabingat nin espada laban sa nasyon,Ni mag-aadal pa man sinda nin pakikigiyera.+
4 An lambang saro sa sainda matukaw* sa sirong kan saiyang puon nin ubas asin kan saiyang puon nin higera,+Asin mayo nin siisay man na mantatakot sa sainda,+Huling si Jehova* na pamayo nin mga hukbo an nagtaram kaiyan.
5 Huli ta an gabos na banwaan malakaw sa ngaran kan saindang diyos,Pero malakaw kita sa ngaran ni Jehova na satuyang Diyos+ sagkod nuarin pa man.
6 “Sa aldaw na iyan,” an sabi ni Jehova,“Titipunon ko an banwaan* na nagkikiang-kiang,Asin titipunon ko an banwaan na nagkawararak,+Kaiba an mga pinasakitan ko.
7 Gigibuhon kong sarong grupo nin natatada an banwaan* na nagkikiang-kiang,+Asin gigibuhon kong makusog na nasyon an banwaan na dinara sa harayo;+Asin si Jehova maghahadi sa sainda sa Bukid nin Sion,Puon ngunyan asin sagkod lamang.
8 Asin ika, O tore kan aripumpon,An bulod-bulod kan aking babayi nin Sion,+Mabalik iyan sa saimo, iyo, an inot na* pamamahala mabalik sa saimo,+An kahadian na pagsadiri kan aking babayi nin Jerusalem.+
9 Ngunyan taano ta nagkukurahaw ka nin makusog?
Ano, mayo kang hadi,O nagadan an parakonseho mo,Kaya nakakamati ka nin kulog na kapareho kan sa babaying nangangaki?+
10 Mamiripit ka asin mag-agrangay, O aking babayi nin Sion,Siring sa sarong babaying nangangaki,Huli ta ngunyan mahali ka sa siyudad asin maistar sa langtad.
Makakaantos ka sagkod sa Babilonya,+Asin ililigtas ka hali duman;+Tutubuson ka duman ni Jehova sa kamot kan saimong mga kaiwal.+
11 Dakul na nasyon an matiripon laban sa saimo;Masarabi sinda, ‘Pabayai siyang malapastangan,Asin mahihiling kan satong mga mata an mangyayaring ini sa Sion.’
12 Pero dai ninda aram an mga kaisipan ni Jehova,Dai ninda nasasabutan an saiyang katuyuhan;*Huli ta titipunon niya sinda na garo sarong raya nin bagong gapason na uhoy para darahon sa ginikan.
13 Magbuhat ka asin magginik, O aking babayi nin Sion;+Huli ta gigibuhon kong lansang* an saimong mga sungay,Asin gigibuhon kong tanso an saimong mga kuko,Asin rurunuton mo an dakul na banwaan.+
Itatao mo ki Jehova an mga bagay na nakua ninda paagi sa pandadaya,Asin an saindang kayamanan itatao mo sa tunay na Kagurangnan kan bilog na daga.”+
