Exodo 15:1-27
15 Kan panahon na idto, kinanta ni Moises asin kan mga Israelita an kantang ini para ki Jehova:+
“Makanta ako ki Jehova, huling nagin mamurawayon siya.+
An kabayo saka an nakasakay diyan inapon niya sa dagat.+
2 Si Jah* an sakuyang kusog saka an sakuyang kapangyarihan, huli ta siya an nagin sakuyang kaligtasan.+
Siya an sakuyang Diyos, asin uumawon ko siya;+ an Diyos kan sakuyang ama,+ asin papamurawayon ko siya.+
3 Si Jehova sarong makapangyarihan na parapakilaban.+ Jehova an saiyang pangaran.+
4 An mga karwahe ni Faraon saka an hukbo kaini sa dagat Saiyang iinapon,+Asin an pinakamatibay kaining mga parapakilaban sa Dagat na Pula nagkaralamos.+
5 Tinahuban sinda kan nag-aalimbukay na katubigan; siring sinda sa gapo na luminubog sa kairaruman.+
6 O Jehova, an tuo mong kamot dakula an kapangyarihan;+O Jehova, an tuo mong kamot kayang manglaglag nin kalaban.
7 Huli sa nakakalabi mong kapangyarihan naibabagsak mo an mga minatumang sa saimo;+Ilinuluwas mo an saimong naglalaad na kaanggutan, asin garo sinda mga dagaming tinutumtom kaiyan.
8 Sa sarong hinangos hali sa saimong dungo nagkatiripon an katubigan;Dai iyan naghiro, na pinupugulan an pagragasa kaiyan;Sa tahaw* kan kadagatan tuminagas an nag-aalimbukay na katubigan.
9 Nagsabi an kalaban: ‘Lalapagon ko sinda! Maaabutan ko sinda!
An samsam babanga-bangaon ko sagkod na ako* makontento!
An espada ko sakong huhugkuton! Dadaugon sinda kan sakong kamot!’+
10 Sa saimong paghayop, tinahuban sinda kan kadagatan;+Garo sinda timga na luminubog sa mapuwersang katubigan.
11 Siisay na diyos an kapareho mo, O Jehova?+
Siisay an arog mo na nakakalabing marhay sa kabanalan?+
An Saro na dapat pahilingan nin pagkatakot asin umawon paagi sa mga kanta, an Saro na naggigibo nin mga ngangalásan.+
12 Inunat mo an saimong tuong kamot, asin hinalon sinda kan daga.+
13 Sa saimong maimbod na pagkamuot, giniyahan mo an saimong binalukat na banwaan;+Paagi sa saimong kusog gigiyahan mo sinda pasiring sa saimong banal na irukan.
14 Madadangog kan mga banwaan;+ sinda tatarakigan;An mga nakaistar sa Filistia makakamati nin grabeng kahaditan.*
15 Sa panahon na iyan, an mga shik* kan Edom magkakatarakot,Asin an mga makapangyarihan na tagapamahala* kan Moab makurubog-kubog.+
An gabos na nakaistar sa Canaan pangruruluyahan nin buot.+
16 Sinda magkakatarakot asin magkakasirindak.+
Huli sa makapangyarihan mong takyag dai sinda makakahiro siring sa gapoSagkod na makaagi an saimong banwaan, O Jehova,Sagkod na makaagi+ an banwaan na saimong pigbilog.+
17 Dadarahon mo sinda asin itatanom sa bukid na sadiri mo,+An lugar na saimong inandam, O Jehova, para magin irukan mo,Sarong santuwaryo, O Jehova, na inestablisar kan mga kamot mo.
18 Mamamahala si Jehova bilang hadi sagkod nuarin pa man.+
19 Kan magbaba sa dagat an mga kabayo ni Faraon asin an mga karwaheng panggiyera saka mga kabalyero niya,+An katubigan kan dagat pinabalik ni Jehova pasiring sa sainda,+
Alagad an banwaan nin Israel naglakaw sa tahaw kan dagat sa marang daga.”+
20 Tapos nagkua nin tamburin si Miriam na propetisa, na tugang ni Aaron, asin an gabos na babayi nagsunod sa saiya na nagpapakaling-kaging nin mga tamburin asin nagbabarayle.
21 Nagkanta si Miriam bilang simbag sa mga lalaki:
“Magkanta ki Jehova, huling nagin mamurawayon siya.+
An kabayo saka an nakasakay diyan inapon niya sa dagat.”+
22 Dangan pinanginutan ni Moises an Israel sa paghali sa Dagat na Pula, asin nagpasiring sinda sa kaawagan nin Sur asin tulong aldaw sindang nagbaklay sa kaawagan, pero mayo sindang nakuang tubig.
23 Nakaabot sinda sa Marah,*+ pero dai ninda mainom an tubig sa Marah huling mapait iyan. Iyan an dahilan kaya inapod ninda iyan na Marah.
24 Kaya naggumod-gumod an banwaan laban ki Moises,+ na sinasabi: “Ano an iinumon mi?”
25 Nag-apod siya ki Jehova,+ asin itinukdo sa saiya ni Jehova an sarong sadit na puon nin kahoy. Kan iapon niya iyan sa tubig, nagin mahamis an tubig.
Tinawan Niya sinda duman nin pagbuot asin basehan sa paghukom, asin binalo Niya sinda duman.+
26 Nagsabi siya: “Kun madangog nanggad kamo sa sinasabi* ni Jehova na saindong Diyos asin gigibuhon nindo an tama sa saiyang paghiling saka susunudon nindo an saiyang mga tugon asin uutubon nindo an gabos na regulasyon niya,+ dai ko ipapaabot sa saindo an arin man sa mga hilang na ipinaabot ko sa mga Ehipsiyo,+ huling ako, si Jehova, an mag-iingat kan saindong mga salud.”+
27 Pagkatapos, nakaabot sinda sa Elim na diyan igwa nin 12 burabod nin tubig asin 70 puon nin palma. Kaya nagkampo sinda duman harani sa may tubig.
Mga Nota
^ An “Jah” pinahalipot na porma kan pangaran na Jehova.
^ Sa literal, “puso.”
^ O “an sakong kalag.”
^ Sa literal, “kulog nin pangangaki.”
^ An shik sarong pamayo nin tribo.
^ O “mga maisog na namumuon.”
^ Nangangahulugan na “Kapaitan.”
^ O “boses.”
