ቀን፦ ከነሐሴ 9-11, 2019

ቦታ፦ በዋርሶ፣ ፖላንድ የሚገኙት የሌጊያ ዋርሶ ስታዲየም እና ቶርቫር ሆል

ፕሮግራሙ የተካሄደበት ቋንቋ፦ እንግሊዝኛ፣ ፖሊሽ

ከፍተኛ የተሰብሳቢዎች ቁጥር፦ 32,069

አጠቃላይ የተጠማቂዎች ቁጥር፦ 190

ከተለያዩ አገሮች የመጡ ልዑካን ብዛት፦ 6,892

የተጋበዙት ቅርንጫፍ ቢሮዎች፦ ሃንጋሪ፣ ማዕከላዊ አውሮፓ፣ ሞልዶቫ፣ ሩማኒያ፣ ቺሊ፣ ኢኳዶር፣ ኮሪያ፣ ዩናይትድ ስቴትስ፣ ዩክሬን፣ ጃፓን፣ ጆርጂያ፣ ፈረንሳይ፣ ፊንላንድ

ተሞክሮ፦ የፎር ፖይንትስ ባይ ሸራተን ዋርሶ ሞኮቶቭ (ልዑካኑ ካረፉባቸው ሆቴሎች መካከል አንዱ) ሥራ አስኪያጅ የሆኑት ካሚል ካዝሜርኬቪዬች እንዲህ በማለት ጽፈዋል፦ “ከእናንተ ጋር አብሮ መሥራት ቀላል ነው፤ ሁሉም ደንበኞቼ እንደ እናንተ ደግና አዎንታዊ ቢሆኑ ደስ ይለኝ ነበር። እንደምትዋደዱና አንድነት እንዳላችሁ በግልጽ ማየት ይቻላል። . . . ላከናወናችሁት በሚገባ የተደራጀ ሥራ አድናቆቴን መግለጽ እፈልጋለሁ።”

አውቶቡስ ለማቅረብ የተቀጠረው ኬ ኤል ቲም የተባለ ድርጅት ባለቤት የሆኑት ካሚል ሉባንስኪ እንዲህ ብለዋል፦ “ከይሖዋ ምሥክሮች ጋር አብረን መሥራት ከጀመርንበት ጊዜ አንስቶ ከእነሱ ጋር መሥራት አስደሳች እንደሚሆን ገብቶኝ ነበር። በጣም የተደራጁ ናቸው። ይህ ሰፊ ዝግጅት በሚገባ የታሰበበትና በደንብ የታቀደ ነበር። የአገሪቱን መንግሥት ጨምሮ ድርጅታችን ታዋቂ የሆኑ በርካታ ደንበኞች አሉት፤ በአገራችን ውስጥም ሆነ በሌሎች የአውሮፓ አገራት በተለያዩ ዝግጅቶች ላይ ተካፍለናል። ሆኖም የእናንተን ያህል የተደራጀ ደንበኛ ብዙም አላጋጠመንም። ሹፌሮቻችንና ሌሎች ሠራተኞቻችን ስለ ይሖዋ ምሥክሮች የሚናገሩት መልካም ነገር ብቻ ነው። ወደፊትም በድጋሚ አብረን እንደምንሠራ ተስፋ እናደርጋለን።”