አስፈላጊ የሆነው ለምንድን ነው? በቅርቡ የሚያጋጥሙን አስደናቂ ነገሮች ድፍረታችንንና በይሖዋ ላይ ያለንን እምነት ከመቼውም ጊዜ ይበልጥ ይፈትኑታል። የሐሰት ሃይማኖት ሲጠፋ ታላቁ መከራ ይጀምራል። (ማቴ 24:21፤ ራእይ 17:16, 17) ውጥረት በሚነግሥበት በዚያ ጊዜ ኃይለኛ የፍርድ መልእክት ማወጅ ሊኖርብን ይችላል። (ራእይ 16:21) የማጎጉ ጎግ ጥቃት ይሰነዝርብናል። (ሕዝ 38:10-12, 14-16) ይሖዋም ሕዝቡን ለመጠበቅ ሲል “ሁሉን ቻይ በሆነው አምላክ ታላቅ ቀን [የሚካሄደውን] ጦርነት” ይጀምራል። (ራእይ 16:14, 16) ወደፊት እነዚህ ሁኔታዎች ሲያጋጥሙን ደፋር ሆነን ለመገኘት በአሁኑ ጊዜ የእምነት ፈተናዎች ሲደርሱብን ጸንተን መቆም ይኖርብናል።

ይህን ማድረግ የሚቻለው እንዴት ነው?

• ላቅ ላሉት የይሖዋ የሥነ ምግባር መሥፈርቶች በድፍረት ጥብቅና ቁሙ።—ኢሳ 5:20

• ከእምነት ባልንጀሮቻችሁ ጋር በመሰብሰብ ይሖዋን ማምለካችሁን ቀጥሉ።—ዕብ 10:24, 25

• ከይሖዋ ድርጅት የሚመጣውን መመሪያ ለመቀበል ፈጣን ሁኑ።—ዕብ 13:17

• ይሖዋ በጥንት ዘመን ሕዝቦቹን ያዳነው እንዴት እንደሆነ አሰላስሉ።—2ጴጥ 2:9

• ወደ ይሖዋ ጸልዩ፤ በእሱም ታመኑ።—መዝ 112:7, 8

ከፊታችን የሚጠብቁን ድፍረት የሚጠይቁ ክስተቶች—ተቀንጭቦ የተወሰደ የሚለውን አጭር ድራማ ተመልከት፤ ከዚያም የሚከተሉትን ጥያቄዎች ለመመለስ ሞክር፦

• አስፋፊዎቹ ጉባኤያቸው ከሌሎች ጉባኤዎች ጋር ሲዋሃድ ምን የታዛዥነት ፈተና አጋጠማቸው?

• ድፍረትና ታዛዥነት ምን ተያያዥነት አላቸው?

• አርማጌዶን ሲመጣ ድፍረት የሚያስፈልገን ለምንድን ነው?

• ይሖዋ ባለው የማዳን ኃይል ላይ ያለንን እምነት ለማጠናከር የሚረዳን የመጽሐፍ ቅዱስ ዘገባ የትኛው ነው?—2ዜና 20:1-24