22 NOVEMBER 2024
RUSLAND

“Ek is vasbeslote om een van Jehovah se Getuies te bly”

SPEEL

Op 19 November 2024 het die Korsakof-stadshof van die Sachalin-streek broer Roman Goemenjoek skuldig bevind en hom ’n opgeskorte tronkvonnis van vyf jaar gegee. Hy hoef nie op hierdie stadium tronk toe te gaan nie.

Profiel

Roman Goemenjoek

Gebore: 1982 (Zalari, Irkoetsk-streek)

Gedoop: 2003

Agtergrond: Maak toestelle reg

Trou met Olesja in 2005. Albei Roman se pa en Olesja se pa is gedurende die Sowjet-era tronk toe gestuur vir hulle geloof

Aangekla van: Dat hy vergaderinge van Jehovah se Getuies hou en die Bybel bespreek

Vonnis: Opgeskorte tronkvonnis van vyf jaar

Kommentare uit Roman se finale verklaring in die hof

Om in Jehovah God te glo en hom te aanbid is vir my net so belangrik soos om asem te haal. Met hierdie vervolging het hulle in ’n figuurlike sin probeer om my suurstof af te sny deur my te dwing om my beste Vriend, Jehovah, te verwerp. Maar ek sal hom nie verraai nie. Soos die getroue Job, sê ek: “Totdat ek sterf, sal ek nie my integriteit prysgee nie!” (Job 27:5). Hierdie kriminele saak teen my het niks verander nie behalwe vir die feit dat my geloof en liefde vir God net sterker geword het. Ek is vasbeslote om een van Jehovah se Getuies te bly, maak nie saak wat die uitspraak in my saak is nie.

Ons is dankbaar vir Roman se voorbeeld van lojaliteit aan Jehovah in hierdie moeilike situasie. Ons is oortuig dat Jehovah Roman en ons almal sal seën as ons “op God se krag . . . vertrou” om te volhard. – 2 Timoteus 1:7, 8.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE