Psalms 79:1-13
’n Melodie van Asaf.+
79 O God, die nasies het u erfdeel binnegeval.+
Hulle het u heilige tempel onrein gemaak.+
Hulle het Jerusalem verwoes.*+
2 Hulle het die lyke van u knegte aan die voëls van die hemel as voedsel gegee,en die vlees van u lojales aan die wilde diere van die aarde.+
3 Hulle het hulle bloed soos water om Jerusalem uitgegooi,en daar is niemand oor om hulle te begrawe nie.+
4 Ons het ’n bespotting vir ons bure geword.+
Mense om ons spot met ons en lag ons uit.
5 Hoe lank, o Jehovah, sal u woedend wees? Vir ewig?+
Hoe lank sal u woede net soos ’n vuur brand?+
6 Stort u woede uit oor die nasies wat u nie ken nie
en oor die koninkryke wat u naam nie aanroep nie.+
7 Want hulle het Jakob verslinden sy tuisland verwoes.+
8 Moenie ons verantwoordelik hou vir die oortredings van ons voorouers nie.+
Moenie lank neem om u genade aan ons te betoon nie,+want ons het baie diep gesink.
9 Help ons, o God van ons redding,+ter wille van u glorieryke naam.
Red ons en vergewe* ons sondes ter wille van u naam.+
10 Hoekom moet die nasies sê: “Waar is hulle God?”+
Laat dit voor ons eie oë onder die nasies bekend worddat u knegte se bloed wat uitgestort is, gewreek is.+
11 Mag u die gesug van die gevangene hoor.+
Gebruik u groot krag* om dié wat tot die dood veroordeel is,* te bewaar.*+
12 Betaal ons bure sewe keer terug+omdat hulle u uitgetart het, o Jehovah.+
13 Dan sal ons, u volk en die skape van u weiding,+u vir ewig bedank,en ons sal u lof van geslag tot geslag bekend maak.+
Voetnote
^ Of “’n ruïne gemaak”.
^ Lett. “bedek”.
^ Lett. “arm”.
^ Lett. “die seuns van die dood”.
^ Of moontlik “te bevry”.
