Jesaja 55:1-13
55 Kom, almal wat dors is!+ Kom na die water.+
Julle wat nie geld het nie, kom, koop en eet!
Ja, kom, koop wyn en melk+ sonder geld. Dit kos niks.+
2 Hoekom bly julle geld betaal vir wat nie brood is nie,en hoekom spandeer julle julle inkomste* op iets wat nie versadig nie?
Luister aandagtig na my, en eet wat goed is,+en julle sal geniet wat werklik voedsaam is.+
3 Skenk aandag en kom na my toe.+
Luister, en julle sal bly lewe,en ek sal ’n ewige verbond met julle maak,+in ooreenstemming met die lojale liefde wat ek aan Dawid belowe het. Hierdie belofte is betroubaar.+
4 Kyk! Ek het hom ’n getuie+ vir die nasies gemaak,’n leier+ en ’n bevelvoerder+ vir die nasies.
5 Jy sal ’n nasie roep wat jy nie ken nie,en mense van ’n nasie wat jou nie geken het nie, sal na jou toe hardloopter wille van Jehovah jou God,+ die Heilige van Israel,omdat hy jou sal verheerlik.+
6 Soek Jehovah terwyl hy gevind kan word.+
Roep hom aan terwyl hy naby is.+
7 Laat die goddelose sy weg verlaat,+en die slegte mens sy gedagtes.
Laat hom na Jehovah terugkeer, wat genade aan hom sal betoon,+na ons God, want hy sal ryklik* vergewe.+
8 “Want my gedagtes is nie julle gedagtes nie,+en julle weë is nie my weë nie,” sê Jehovah.
9 “Want soos die hemel hoër is as die aarde,so is my weë hoër as julle weë,en my gedagtes as julle gedagtes.+
10 Want net soos die reën en die sneeu uit die hemel valen nie daarheen terugkeer voordat dit die aarde natgemaak het nie, sodat plante groei en vrug draen sodat daar saad is om te saai en brood is om te eet,
11 so sal my woord wees wat uit my mond uitgaan.+
Dit sal nie sonder resultate na my toe terugkeer nie,+maar dit sal beslis doen wat ek wil hê,*+en dit sal beslis die doel bereik waarvoor ek dit gestuur het.
12 Want julle sal met blydskap uitgaan,+en in vrede sal julle teruggebring word.+
Die berge en die heuwels sal vrolik wees voor julle met uitroepe van vreugde,+en al die bome van die veld sal hande klap.+
13 In die plek van doringbosse sal jenewerbome groei.+
In die plek van brandnetels sal mirtebome groei.
En dit sal vir Jehovah roem bring,*+’n ewige teken wat nooit sal verdwyn nie.”
Voetnote
^ Of “geld waarvoor julle hard gewerk het”.
^ Of “vryelik”.
^ Of “my wil uitvoer”.
^ Of “’n naam maak”.
