Jesaja 22:1-25
22 ’n Oordeelsboodskap teen die Vallei van die Visioen:*+
Wat is fout met julle? Hoekom het julle almal op die dakke geklim?
2 Jy was vol onrus,’n lawaaierige stad, ’n vreugdevolle stad.
Dié wat in jou gesterf het, is nie met die swaard doodgemaak nie,en hulle het ook nie in die oorlog gesterf nie.+
3 Al jou wrede regeerders het saam gevlug.+
Hulle is sonder ’n boog gevange geneem.
Almal wat gevind is, is gevange geneem,+al het hulle ver weg gevlug.
4 Daarom het ek gesê: “Moenie na my kyk nie.
Ek gaan bitterlik huil.+
Moenie my probeer troos
oor die vernietiging van die dogter* van my volk nie.+
5 Want dit is ’n dag van verwarring en van ondergang en van paniek,+en dit kom van die Soewereine Heer, Jehovah van die leërmagte,in die Vallei van die Visioen.
Die muur word verwoes,+en ’n geskree styg op na die berge.
6 Elam+ tel die pylkoker open kom met bemande strydwaens en perde,*en Kir+ verwyder die bedekking van die skild.*
7 Jou beste valleiesal vol strydwaens wees,en die perderuiters* sal hulle plekke by die poort inneem,
8 en die beskerming* van Juda sal weggeneem word.
“In daardie dag sal julle na die wapenvoorraad van die Huis van die Woud+ kyk,
9 en julle sal al die gate in die muur van die Stad van Dawid+ sien. En julle sal die water van die onderste dam opgaar.+
10 Julle sal die huise van Jerusalem tel en huise afbreek om die muur te versterk.
11 En julle sal ’n opvangdam tussen die twee mure vir die water van die ou dam maak, maar julle sal nie hulp soek by die Groot Maker daarvan nie, en julle sal nie dink aan die Een wat lank gelede besluit het dat dit so moet wees nie.
12 In daardie dag sal die Soewereine Heer, Jehovah van die leërmagte,beveel dat daar gehuil en getreur word,+dat koppe kaalgeskeer word en dat saklinne gedra word.
13 Maar nou word daar feesgevier en gejuig.
Beeste word doodgemaak en skape word geslag.
Vleis word geëet en wyn word gedrink.+
‘Laat ons eet en drink, want môre gaan ons sterf.’”+
14 Toe het Jehovah van die leërmagte die volgende aan my geopenbaar: “‘Totdat julle sterf, sal daar nie versoening vir julle oortreding wees nie,’+ sê die Soewereine Heer, Jehovah van die leërmagte.”
15 Dít is wat die Soewereine Heer, Jehovah van die leërmagte, sê: “Gaan na hierdie bestuurder, na Sebna,+ wat toesig hou oor die paleis, en sê:
16 ‘Wat is hier wat aan jou behoort, en wie is hier wat aan jou behoort dat jy hier vir jou ’n graf uitgekap het?’ Hy kap sy graf op ’n hoë plek uit. Hy kap vir hom ’n rusplek in ’n krans uit.
17 ‘Kyk! Jehovah sal jou met geweld neergooi. Hy sal jou gryp en
18 jou styf oprol en jou soos ’n bal in ’n uitgestrekte land gooi. Daar sal jy sterf, en daar sal jou pragtige strydwaens wees – ’n skande vir die huis van jou meester.
19 En ek sal jou uit jou posisie verwyder en jou amp van jou af wegneem.
20 “‘In daardie dag sal ek my kneg Eljaʹkim,+ die seun van Hilkiʹa, roep.
21 En ek sal jou kleed vir hom aantrek, jou lyfband stewig om hom bind+ en jou gesag aan hom* gee. En hy sal vir die inwoners van Jerusalem en vir die huis van Juda ’n vader wees.
22 En ek sal die sleutel van die huis van Dawid+ op sy skouer sit. Hy sal oopmaak en niemand sal sluit nie, en hy sal sluit en niemand sal oopmaak nie.
23 Ek sal hom soos ’n pen in ’n vaste plek inslaan, en hy sal soos ’n troon van heerlikheid vir die huis van sy vader word.
24 En hulle sal al die heerlikheid van die huis van sy vader aan hom hang, die nakomelinge en die nageslag, al die klein houers, die komme en ook die groot kruike.
25 “‘In daardie dag,’ sê Jehovah van die leërmagte, ‘sal die pen wat in ’n vaste plek ingeslaan is, verwyder word,+ en dit sal afgekap word en val, en die vrag wat daaraan hang, sal stukkend val, want dit is wat Jehovah gesê het.’”
Voetnote
^ Verwys blykbaar na Jerusalem.
^ Digterlike verpersoonliking, moontlik om jammerte of simpatie uit te druk.
^ Of “perderuiters”.
^ Of “maak die skild gereed”.
^ Of “perde”.
^ Of “skerm”.
^ Lett. “in sy hand”.
