Ыйык Китептеги кеңештер жубайлардын бактылуу болушуна көмөк кылат, себеби аларды үй-бүлөнү негиздеген Жахаба Кудай берген. Ыйык Китепте үй-бүлөнүн бактылуу болушуна өбөлгө түзгөн сапаттарды өрчүтүп, ырк кетирген жаман сапаттардан арылуу керектиги айтылат. Ошондой эле анда жубайларга бири-бири менен жакшы пикир алмашканга жардам берген кеңештер бар. Алар эркек менен аялга бак-таалайлуу өмүр сүргөнгө көмөк кылат. (Окугула: Колосалыктар 3:8—10, 12—14.)

Күйөөсү аялын, аялы күйөөсүн сыйлашы керек. Жубайлар Кудай берген милдеттерин жакшы аткарса, бактылуу болуп жашашат. (Окугула: Колосалыктар 3:18, 19.)

Жубайлар бири-бирин сүйсө, кармашкан колу үзүлбөй, өмүр бою бирге жашай алышат. Бири-бирибизди сүйүүнү Кудайдан үйрөнөбүз. Ал жана Иса Машаяк — башкаларды сүйүү жагынан мыкты үлгү. (Окугула: 1 Жакан 4:7, 8, 19.)

Жубайлар никени Кудай негиздегенин унутпай, аны баалашса, өмүр бою чогуу жашашат. Үй-бүлө бекем болушу үчүн, Кудай никени аял менен эркек түбөлүк бирге болгудай кылып негиздеген. Кудай аларды бири-биринин муктаждыктарын канааттандырып, бири-бирин толуктап тургудай кылып жараткандыктан, жубайлар ынтымактуу жашай алышат. Ал аларды Өзүндөй кылып, тагыраак айтканда, башкаларды сүйө алгыдай кылып жараткан. (Окугула: Башталыш 1:27; 2:18, 24.)