Ló íz de servicio 2021, a COVID-19 nigolú bilatni ló Gudxlio. Xomod bitlaa ló artículo ni laa, «Cayacnéno ló pandemia», ma bunyno gaxt xidal millón de dólares b par láabu guicalóno galnagan reʼ, né ma noʼ más de 950 Comités de Socorro.

 Laʼga pandemia calat ló Gudxlio, tipnés desgrasy láaca cagoʼni xhermanno ló galnagan. Por ngú Comité de Coordinadores xtuny Tidxó Buñ ni nap xiroʼ Galnan goniʼyibu que bidxiich ni caquiinyibu ló pandemia láaca labúu naquiinyibu láani par ñacnéyibu xhermanno. Biquiinyibu 8 millón de dólares par labúu gocnéyibu xhermanno ló 200 desgrasy ni góc. Guibiʼno ximod biquiinyibu donación ló chop desgrasy ni góc.

 22 de may íz 2021, volcán Nyiragongo ni noʼ República Democrática del Congo gotzni. Guii ni goleʼni binitlóni yoʼ, yolayscuel né ro racaʼyibu nís. Per diti ngúsi. Por xidal dzú volcán reʼ goleʼni tipnés dée ni bichetzni lainy gudx Goma né láaca godudy xidal xo. Más de tigalaʼ buñ ni rabés lainy gudxcú bidopyibu toibsi lagary. Né xidalguixo buñ bixony goyee dada gudx Ruanda.

 Lad guirá buñ ni bidop toibsi lagary, goyoʼ más de 5.000 testigos xtuny Jehová. Tipnésyibu bisnit lidx órni gotz volcáncu, né stipnés ma buñ golann ni napyibu. Comité ni noʼ Ruanda né ni noʼ República Democrática del Congo bunyibu dxiin toibsi. Sucursalcu raiby lóono ximod buny dxiin toib comité: «Antes de naniʼyibu nadop buñ toibsi lagary, comité gosaló biscad galrro, nís, lairygueʼel, lairy, ná nirosondi ximod cayac lainy gudxcu». Lainy toib gudx ronoʼ más de 2.000 herman, toib comité de socorro bunytzaay yoʼ lairy, biscad mascarillas, cubrebocas né golexa ximod labúu gapyibu layibu par diti guixonéyibu COVID-19 né cólera.

 Ló tzón beʼo, xhermanno biscad 6 tonelad de rros, 6 tonelad de rin de xhoob, 8.000 litros de aceity par gontzayibu galrro né más de 8.000 litros de nís. Par diti ñonyibu gax xiroʼ bidxiich, sucursal gosiʼ láani por mayoreo lainy tipnés negosy ni noʼ gaxca, xalagary nasiʼyibu láani stoib lagary.

 Toib hermana goniʼ: «Nigolú godudydo ló xiroʼ galnagan». Volcán reʼ binitlóni yoʼ copy ni gopbu, per láabu né xfamilbu cuaʼbu galrracné en sentido físico né espiritual. Nigoreʼ nábu: «Raxquixdo Jehová, ma napdo ni caquiindo, ma bibiʼdo ximod racné Jehová lóodo né modreʼ labúu racalódo galnagan».

 Ma xidzú íz de goló cadudy Venezuela ló galsii. Diti tan noʼ ni guá buñ né nogoluʼ buñ gobáan. Nigolú nagan par tudy xhermanno dzú. Per xcudx Jehová diti ma bisian layibu.

 Ló último íz de servicio ni godudy. Góc gaxt más de timillón gorol de dólares par nasiʼyibu galrro né xaboo, né par ninéyibu láani ronoʼ famil ni más cadudy ló galsii. Sucursal de Venezuela rabexa: «Nigolú nagan láani tzanédo 130 tonelad de galrro guirá beʼo ronoʼ herman ni caquiin láani». Par labúu gony guantary guirá galrro reʼ, xhermanno rinéyibu galrro ni diti raxin nimaca. Sucursal ná: «Ronydo por siido xiroʼ galrro órni noʼni barat. De ngú risando láani ronoʼ xhermando né rayopydo mod diti gonydo gaxt xiroʼ bidxiich».

 Leonel noʼbu lad Comité de Socorro ni noʼ Venezuela, rioladxbu dxiin ni ronybu. Láabu nábu: «Nigolú rioladxi gony dxiin lad Comité de Socorro. Racnéni naʼ par tzoʼya sacró desde dzú goity tzeʼela xtol COVID-19. Láaca riodieʼya ló xchiin Jehová né racnéya xhermanno ni caquiin galrracné. Ma bibiʼya ximod diti rasian Jehová xcudx».

 Guibiʼno ni ná toibtica xhermanno ni antes buny dxiin né Comité de Socorro, nábu: «Nigoreʼ ma naʼ caquiinna galrracné. Diti nosi bidudyibu cós material lóodo. Xhermando láaca gocnébu naʼ né tzeʼela par diti ñogoluʼdo ló galrrasaʼ, bisialdóyibu lóodo, gopyibu né buny animaryibu lóodo».

 Tipnés desgrasy racni sin guidudy buñ cuent. Ná scú xcudx Jehová nimaca radudyibu ni caquiin xhermanno, né labúu racni scú por donación ni raxelto ló obra mundial. Ló donate.jw.org sabiʼto ximod labúu guidudyto donaciones. ¡Nigolú raxquixdo por ni radudyto ni napto!