Gonab lóo Dios guidudy galnasác looy
Dios ma bidudy toib galrrascad sacróyen lóono: labúu raninéno láabu né labúu raibyno láabu ximod rasacno. David gochbu Dios: «Looy, ni racadiag oración, buñ de guirá clas sayopy looy» (Salmo 65:2). Per ¿ximod labúu guininéno Dios par guicadiagbu lóono né guicaʼno xcalnasácbu?
GONIʼ NI NOʼ LAINY XCALNABANYLO NÉ GÓC BUÑDXO
Salmo 62:8 ná: «Colguixal xcalnabanyto nislóbu». Órni raninéno Dios, labúu gaibyno láabu xi láani noʼ lainy xcalnabanyno. Dios ni nap Xiroʼ galnadip rasac par láabu órni ronyno oración né guidopy xcalnabanyno.
BIQUIIN LAA DIOS ÓRNI GUININÉLO LÁABU
La Biblia ná que Dios bisaʼ guirá cós, napbu galrronladx né natzaaybu. Per nosi noʼ toib laabu: «Naʼ naca Jehová. Ndeʼ laaya» (Isaías 42:8). Laa Dios, Jehová, sieedni midid gatz mil buelt ló la Biblia. Xidal profetas biquiinyibu laa Dios órni goninéyibu Dios. Abrahán goniʼ: «Jehová, [...] ranaba lólo, bidudy lagary guininéya looy» (Génesis 18:30). Lóono láaca non guiquiinno laa Dios, Jehová, órni guininéno láabu.
GONINÉ DIOS LÓ DIITZ NI RANIʼLO
Dios nanbu xi ronyno pensary né riembu ni rasacno nac nitisi nac diitz ni ranino. Xtiitzbu raiby lóono: «Dios diti rabúbu buñ, xalagary ngú racacuentbu buñ ni rap respet láabu né ni rony xinésni, nac nitisi nac xcudxyibu» (Hechos 10:34, 35).
Par guidudy Dios xcalnasác lóono, diti nosi guininéno láabu. Ló artículos ni sieed sasuidyno xi más raquiin gonyno.
Sigory láaca sioladxlo ndeʼ
MBIOXHLAS RANABDIITZ
¿Raquiin guininéya Dios la?
¿Oración nacni par guisialdó xcalnabanyno la, o nacni par stoib cós?
