Ma xidzú de goló Jehová goniiny láabu que guirá family nadop toibsi par nabigaxyibu Jehová né nadzakyibu xhomilyibu sacró (Deuteronomio 6:6, 7). Por ngú, testigos xtuny Jehová rabeʼdo toib dzú lainy xomal par guiendo láabu, rasuidydo toib tema ni cada toibdo caquiin né diti raquiin guidopdo xomod órni rioʼdo reunión. Né láaca buñ ni rabés toib labúu cué tiemp par guisuidy toib tema ni rioladxbu ni sieed ló la Biblia.

Toib tiemp par labúu guibigaxno Jehová. «Colguibig ronoʼ Dios, né láabu sabigbu ro nóoto.» (Santiago 4:8.) Rimbutzaayno más Jehová órni rasuidyno mod nacbu né guirá ni ronybu ni sieed ló la Biblia. Ni labúu gonyno ngú salóno golno né xfamilno la Biblia, labúu golno ni guisuidyno ló reunión ni laa, Mod nabanyno né mod ronyno Xchiin Dios. Cada toib labúu goʼol tidxo, né guirá ni dxee labúu guiniʼ xí cós copy bieen.

Toib tiemp par labúu guidzakno sacró xhomilno. Ni ma noʼ tzeʼel, ni ma noʼ xiin né mbiox, radzakyibu más xhomilyibu órni toibsi rasuidyibu la Biblia. Órni guidopyibu non guibaladxyibu né guiguaʼyibu goxtiguie, né gacni toib ór ni guiráyibu guioladx guiguaʼ toibsi. Buñ ni ma noʼ xiin labúu cué ni guisuidy ló La Atalaya né ¡Despertad!, o ló Internet jw.org. Par labúu gonyibu láani, guibíyibu balac íz nap xiinyibu. Sigory ximbioxyibu cacaló galnagan lainy yolayscuel ór cú layibu labúu guisuidyibu ximod cuéxayibu galnagan cú. Labúu guibiʼyibu toib programa ni radudy ló televisión ni laa, JW Broadcasting (tv.jw.org) né guiniʼyibu xí bienyibu loni. Labúu goʼolyibu canciones ni tudy ló reunión, órni guiloxyibu labúu gueʼyibu né guáyibu nitisi náni layibu.

Dzú ni rabeʼno lainy xomal nigolú rasacni par guienno Jehová né láani sonyni que xfamilyno guioladx Xtiitz Dios, né láabu sasiabbu xiroʼ xilaay por xtem ni ronyno (Salmo 1:1-3).

• ¿Xigony rabeʼno toib dzú lainy xomal par guienno Dios né xfamilyno?

• ¿Xí labúu gony ni ma noʼ xiin par guiráyibu guioladx guidop?